Скачать или смотреть 極力謀取南極資源的真正國家！？美國企圖將南極私有化？南極成為各國新戰場？｜莫綺琪 Ariel｜世界琪觀 EP15｜新界主場 NTT Media

#南極 #南極條約 #馬德里議定書
2018年12月1日，雪龍號抵達外號「南極蔚藍海岸」嘅普里茲灣，進行中國係呢片白色大陸嘅第三十五次考察，並運送物資到科學考察站。然而，外國傳媒開始話中國要謀取南極嘅資源，今日一齊嚟睇吓佢哋係點樣抹黑我哋國家。

2014年，南極第一座飛機場興建完成，可以俾小「極地」飛機降落，並來往係中國其他嘅科學考察站之間。但係，呢次中國要架設一條真正的飛機跑道，長度達一千五百公尺。呢條跑道會直接蓋係藍冰區，因為藍冰具有極佳嘅抗衝擊特性，將來可容納長途飛行嘅飛機機種，能夠運送人員同埋貨物，外媒更揶揄咁係為左令越嚟越鐘意南極嘅中國人觀光客而考量。

未來呢項建造係冰蓋上嘅設施，將縮短中國到南極洲一萬四千公里嘅旅程。自從北京當局將中國係南極洲嘅發展訂定為優先項目，中國四個科學考察站，分別係長城站、中山站、泰山站同埋崑崙站嘅活動變得熟絡。

依照《南極條約》嘅規定，呢啲科學考察站係用於科學合作，《南極條約》規範南極約八十個站嘅活動。呢份條約係喺一九五九年，共十二個國家係華盛頓簽署，後來又有四十一個國家加入，包括一九八三年嘅中國，作為南極洲的「憲法」，推動南極成為「和平與科學之地」。
中國其實並無違反規定，佢哋係冰原上製造各種裝置，如氣象站，雷達，望遠鏡，機器人等都係為咗考察嘅用途。但因為南極洲蘊藏好多優勢，外媒又對中國科學站嘅運作了解唔多，紛紛指責中國對南極洲充滿野心，感興趣嘅唔單止係科學研究。例如，崑崙站座落嘅冰穹A，被視為世界上觀察太空嘅最佳位置，西方國家擔心呢個站可以用作為監視衛星。

其次，有人又指責中國為咗謀取南極嘅資源而逃過條約嘅束縛。因為一九九八年生效嘅《馬德里議定書》旨在禁止開採南極自然資源，以保護生態環境。不過，呢項保護只係暫時嘅，因為《馬德里議定書》將係二〇四八年到期，盛大啲極地競賽將重新開始。由於中國並非一九五九年《南極條約》嘅簽署國之一，所以呢班簽約嘅大國擔憂中國新嘅極地要塞會分薄咗佢地嘅戰利品。

另外，澳洲同美國亦都質疑：「中國已經有四個科學考察站，更加唔好講係雪地有好幾個營地，點解最近又宣布要係南極洲南部嘅特拉諾瓦灣設新站？唔通要係嗰度部署軍事裝備？」

澳洲同埋美國一直大肆宣揚中國對南極有野心，但其實佢哋係南極亦都有頻繁嘅活動，以往更有明目張膽想瓜分南極嘅意向。南極係世界上唔屬於任何國家主權範圍嘅唯一地方，但係1908年至1941年間，先後有七個國家陸續對南極提出領土要求：英國、澳洲、新西蘭、法國、挪威、智利同埋阿根廷。

西方國家成日抺黑中國利用南極做景點，不如等我比個數據大家睇。據國際南極旅遊組織協會嘅資料顯示，2018-2019年，總共有 5萬6千幾人前往南極旅遊，其中美國人數最多，中國遊客人數第二。我唔係要指責邊個國家嘅人去旅行，新奇美麗嘅地方當然好多人都會想去啦，但美國指責中國嘅話，不如先諗吓邊個先係搶奪咗最多南極資源？邊個為賺旅客嘅錢唔限制自己嘅國民去南極玩呢？

希望各國不論發展研究定係開發旅行都好，先係國內訂好規則同埋法例，盡量確保遊客嘅行為唔會破壞到當地嘅生態！

YOUTUBE🔎NTT Media 👆訂閱 🔔 即時通知
——————————————————
希望大家可以幫手：
1. 訂閱《新界主場 NTT Media》
2. 讚好並留言支持；
3. 將此影片分享開去，聚集更多香港人力量！