الشيلة الرسمية للهجن في مهرجان الملك عبدالعزيز | أداء فهد بن فصلا | جديد 2020

الحول حال وضمّروا كل حايل
والعز والناموس هنف العرانين

نقوّا حرايرهم من اعرق سلايل
عوص النجايب طاويات الميادين

لادرهمت مثل النعام المخايل
اما ضريس سباع ، والا شياطين

درهامة ٍ منها تثور النثايل
تاصل قبل ضرب الفشق للنياشين

اسرع من الهدّات عند الصمايل
في شوط واحد تكسر ارقام شوطين

تنافس ٍ كل الهجن فيه اوايل
مادام باسم معزّي .. الناس راضين

اللي نزل في نجد .. فوق الاصايل
فج ّ العضود معقّبات الشياهين

رغم المسافه والموارد قلايل
ابيض وجه واخطل يمين وحمر عين

ماشال زاده كثر ماكان شايل :
تاريخ جدّان ، وطموح ، ونصر دين

توحدّت على يديه القبايل
وارهى على داره وسنّ القوانين

وورث عياله منه نفس الفعايل
وكانوا على عرش الجزيره سلاطين

ياكثر مااجتازوا خطوب وهوايل
وفي صفحة التاريخ تلقى البراهين

واليوم عهد النادر ابو الجمايل
ابو الحزم والعزم والفضل واللين

سلمان اخو نوره فريد الخصايل
هو عزّ الامه لاغدا العلم علمين

وولي عهده مالوصفه مثايل
والله لابرج ايڤل ، ولاجدار برلين

مثل ماقال طويق عبر الوسايل
هو قمّته حلم وشموخ ومضامين

والرؤيه اللي مثل وبل المخايل
على الوطن تأسيس ، تطوير ، تحسين

قمنا نشوف ثمارها بالدلايل
ماهي بصفحات الجرايد عنواين

الله يحفظ الدار من كل عايل
ويزيدها رفعه وقوه وتمكين

والله يعز شعارها كيف قايل
(للخير به نخله ، وللشر سيفين)

ـــــــــــــــــ


لايك للفيديو + إشترك معنا
subscribe + Like

فعل الجرس 🛎
ليصلك كل جديد✔
..
للتواصل والاستفسارات :
الحسابات الرسمية لـ قناة ابو يعقوب .

‏Official Whatsapp :
https://api.whatsapp.com/send?phone=9...

‏Official Twitter :
  / abo_y3gop  

..

جميع الحقوق محفوظة © على قناة ( ابو يعقوب ) https://alfan.link/abo_y3gob