Birhen sa Guadalupe sa Sugbo, Among Dangpanan

Bulahan ka, O akong inahan.
Ikaw da ang pinili sa tanan.
Diri sa akong kiliran
imo akong gipanalipdan
batok sa sakit ug katalagman.

Kanimo da itugyan ang tanan
nga kahingawa, kabalaka niining dughan.
Diha sa imong pahiyum usab nakita ko
ang maanyag nga hulagway sa Dios.

Chorus: O Birhen sa Guadalupe, Patrona sa Cebu,
ania naglaum kami sa pangaliya mo.
Nangilaba, nangamuyo, naghangyo nga kami kaloy-an mo
kay diha sa kalisdanan, ikaw da ang among dangpanan.

Kang kinsa pa ang among kapaingnan?
Sa langub ka among nakaplagan.
Diha sa putling gugma mo nahiaguman namo
ang gugma sa anak mong si Hesus.
(Chorus)

Batok sa kahilayan niining kalibutan ako giagak mo sa matarong nga dalan

O Birhen sa Guadalupe, Patrona sa Cebu, sa pangaliya mo,
Nangilaba, nangamuyo, naghangyo nga kami kaloy-an mo,
kay diha sa kalisdanan, ikaw da ang among dangpanan O inahan.
O Birhen sa Guadalupe, ikaw da ang among dangpanan.