Скачать или смотреть ဗိုင်းရပ်စ် နှင့် စကားစမြည်(virus & interview)

ဗိုင်းရပ်စ် နှင့် စကားစမြည်
(virus & interview)
..
မေး = ဆရာကြီး မင်္ဂလာပါဗျ
ဖြေ = အေးကွာ မင်္ဂလာရှိအောင်နေရင် မင်္ဂလာရှိမှာပေါ့
         ပေါက်တတ်ကရလုပ်နေရင်တော့ ဘယ်မင်္ဂလာရှိပါ့မလဲ

မေး = ကျောင်းသားသစ်ကြိုဆိုပွဲမှာ ဆရာကြီးအမြဲပြောတတ်တဲ့ ဥဩငှက်ရဲ့ဥပမာအတိုင်း
          လောကကြီးကို ဒီလိုပဲမြင်တာလားဆရာကြီး
ဖြေ = ပြောနေကျစကားတွေတော့ ပြန်မပြောတော့ပါဘူး
         နောက်ထပ်ကွယ်ဝှက်ထားတဲ့ ဥပမာတခုရှိတယ်ကွ
         ဒီလိုသူတပါးပိုင်ဆိုင်မှုအတွင်း ဇွတ်မတင်းဝင်လို့နေရာယူချင်တဲ့ ဥဩငှက်ကိုကြည့်ရအောင်
         ခိုတို့ စာတို့လို လွတ်လွတ်လပ်လပ် ကောင်းကင်မှာကျက်စားနေတာမျိုး မင်းတွေ့ဖူးလို့လား
         သစ်ရွက်အကြိုအကြားမှာ ပုန်းလျှိုးကွယ်လျှိုးနေထိုင်ရတာမို့
         အသံကြားပေးမယ့်အကောင်မတွေ့ အတော့်ကိုရှာနိုင်မှ မြင်နိုင်တာမျိုး
         သူ့ရဲ့မတော်တဲ့လောဘ ကိုယ်တိုင်ကိုယ်ကျမကျိုးစားဘဲ
         သူများအသိုက်မှာအလွယ်တကူ ဇွတ်နေရာယူခြင်တဲ့ အဓမ္မစိတ်ထားကြောင့်
         စိုးတထိတ်ထိတ်နေရတယ် ဒီသဘောလေးလည်း မြင်စေချင်တာပါ

မေး = ဆရာကြီးရဲ့ကျောင်းက ပေါင်းအိုးလိုဖြစ်နေတယ်ဆိုတာ လက်ခံလားဗျ
ဖြေ = ဒီမေးခွန်းအတွက်က အဖြေနှစ်ရပ်ပေးမှသင့်တော်လိမ့်မယ်
         အင်ဂျင်နီယာဆိုတာ အတတ်ပညာပါ အတွေးအခေါ်မဟုတ်ဘူး
         ပုံသေနည်းရှိတယ် ဒါလုပ်ရင်ဒါဖြစ်မယ် ဒါမဖြစ်ရင် ဒါမလုပ်လို့ ဒါမှဟုတ် မပြည့်စုံလို့ဘဲ
         လူတိုင်းက ပင်ကိုယ်ဉာဏ်ရည်မြင့်မားသူမဟုတ်ဘူး ပြီးတော့ လူငယ်တွေလေကွာ
         သူတို့အတွက် အလေ့အကျင့်နဲ့ တင်းကျပ်တဲ့စည်းကမ်းလိုတယ်
         သတ်မှတ်စံနှုံးနဲ့အညီတတ်မြောက်ဖို့ ငါတို့က သင်ကြားလေ့ကျင့်ပေးရတာပဲ
         သူတို့အနေနဲ့ လုပ်ငန်းခွင်မှာအဆင့်မီမီ ဝင်ရောက်နိုင်ဖို့နဲ့
         သူတို့ကိုခန့်ထားသူတွေအနေနဲ့ ဒီကျောင်းကထွက်လာရင်
         အနည်းဆုံးဒီအရည်အချင်းပြည့်မီပြီးသားဆိုတဲ့ ယုံကြည်ချက်မျိုးပေးနိုင်အောင်
         ငါတို့လုပ်တယ် လေ့ကျင့်ပေးတယ် သင်ကြားပေးတယ်
         မင်းစကားလိုဆိုရင် ပေါင်းအိုးထဲကဆန်စေ့လို့ပေါ့
         ဘာဖြစ်လဲ အားလုံးအနည်းဆုံး ကျက်ပြီးသား နပ်ပြီးသားပါ
         အသင့်သုံးဆောင်ရုံပါပဲလို့ ယုံကြည်မှုရသွားစေတာပဲ

မေး = ရန်ချိုပြောသလို အားနည်းချက်ကို ဖော်ပြနေတာမှားတယ်လို့ထင်လားဗျ
ဖြေ = ကျောင်းသားထောင်ချီရှိနေတဲ့ငါ့ကျောင်းမှာ တယောက်ချင်းစီကိုတွေ့ပြီး
         လူတိုင်းရဲ့လိုအပ်ချက်ကို လိုက်ထောက်ပြပြုပြင်ပေးနေဖို့ အချိန်မလောက်ဘူး
         ဥပမာ တယောက်ကို ၁ မိနစ်လောက်ပဲ အချိန်ပေးမယ်ဆိုရင်တောင်
         တရက်တာလုံး လုံးဝအနားမယူတာတောင် လူပေါင်း ၁၄၄၀ စာပဲရှိတယ်
         ကျောင်းသားနည်းတဲ့ကျောင်းတွေမှာ အကြောင်းမဟုတ်ပေမယ့်
         ၁ ယောက်တည်းအတွက် အခြား ၉၉၉ ယောက်ကို စောင့်ဆိုင်းထားတာ
         သင်ယူမှုနှောင့်နေသွားစေတာကကော တရားရဲ့လား မင်းစဥ်းစားကြည့်ပေါ့

မေး = နောက်ဆုံးအနေနဲ့မေးပါရစေ
          ဆရာကြီးရဲ့ ယုံကြည်ချက်ဥပဒေသတွေအပေါ် နောင်တရစရာရှိလားဗျ
ဖြေ = ငါလည်းလူသားပဲ ဘယ်အမှားကင်းနိုင်ပါ့မလဲ
         ငါ့သား ငါ့ကျောင်းသားတယောက် အရှုံးပေးသွားတယ်ဆိုတဲ့သတင်းက
         ငါ့ကိုလောင်မြိုက်စေတာဝန်ခံတယ် ဒါပေမယ့် ငါ့လမ်းစဥ်အပေါ်တော့ သံသယမရှိပါဘူး
         ဘာ့ကြောင့်လဲဆိုတော့ ကျရှုံးသွားသူနဲ့ ဘဝအတွက်ခိုင်မာတဲ့အသက်မွေးဝမ်းမှုနဲ့
         ရှေ့ဆက်သွားနိုင်သူအချိုးကို ကြည့်ရင်မင်းတွေ့မှာပါ
         အရှုံးပေးသွားသူအနည်းငယ်ကြောင့် စိတ်ခံစားမှုနောက်လိုက်ပြီးငါရပ်တန့်လိုက်ရင်
         နစ်နာသွားနိုင်သူများစွာရှိနိုင်တယ်လေ ဒီတော့ရှေ့ဆက်ရမှာပေါ့
         နာကျင်စရာတွေရှိသည့်တိုင် နောင်တရတာတော့မရှိပါဘူး

"ဆရာကြီးဗိုင်းရပ်စ်"အဖြစ် အားလုံးနဲ့တယောက် ပိုင်နိုင်စွာယှဥ်ပြိုင်သွားသူကတော့
ဘိုမန် အီရာနီ (Boman Irani) ပါ

...
3 idiots
အရူးသုံးကောင် အစအဆုံး
(မြန်မာစကားပြော 720 p)
https://t.me/koloneypoei/119

(မြန်မာစကားပြော 360 p)
https://t.me/koloneypoei/118

စာတန်းထိုး
https://t.me/koloneypoei/22

သီချင်း
https://t.me/koloneypoei/21

မူရင်းသီချင်းသံကို ထည့်သွင်းထားတာမို့
သီချင်းသံ အနည်းငယ်တိုးသွားပါတယ်

ဇာတ်ကားနောက်ဆုံးမှာပါတဲ့သီချင်း ဘာသာပြန်စာသား
အပြည့်မပေါ်ပါက view size ချိန်း၍ကြည့်ပါ

#အရေးတော်ပုံအောင်တော့မည်
#စစ်အာဏာရှင်မုချအဆုံးသတ်တော့မည်

သန်းထွန်းလေး ☆ အင်းတဲရွာ