Скачать или смотреть Dağlar qoynunda gözəl bir kənd - Qaracüzlü

Biz bu gün Qaracüzlü kəndindəyik. Qaracüzlü, Qurbançı sovetliyi tərkibində Qobustan rayonun kəndidir. Kəndin adı ceviz – cöyüz sözündən əmələ gəlir. Kənd Qozluçayın sahilində yerləşdiyinə görə belə adlanıb. Yaxın tarixə kimi bura oba kimi bir neçə evdən ibarət olub və rəsmi kənd statusunu 1999-cu ildə alıb. Lakin kənd ərazisindəki məzarlığa baxsaq yetəri qədər qədim baş daşılarına rast gəlmək olur.
Sadəcə birindən, aqlayla üzlənmiş binadan başqa kənddəki köhnə evlər çiy kərpicdəndir. Daş binanın üzərində tarix və ya hər hansı bir qeyd yoxdur, tərs ulduz işarəsini saymasaq. Bir mərtəbədən ibarət olan bu bina, təmir edilib. Hazırda yaşayışı yoxdur, tərk edilib.
Qaracüzlüyə Cəngidən və ya Qurbançıdan gəlmək mümkündür. Yolu asfalt deyil. Qurbançı yaxınlarından içməli su borularla kəndə çatdırılır. Qurbançıya getmək üçün gərək iki dəfə Qozluçayı keçəsən.
Qarcüzlüyə, bir az cənuba yerləşən və indi tərk edilmiş Suqovuşandan da əhali köçüb. Bu kənd Türkçay və Qozluçayın qovuşduğu yerdə yerləşib, yerlilərin dediyinə görə vəba səbəbi ilə tərk edilib.