反黑英雄｜姚子羚與謝可逸上演纏綿激情 陳山聰傾力保護索女何沛珈

反黑英雄｜姚子羚與謝可逸上演纏綿激情 陳山聰傾力保護索女何沛珈

陳山聰 姚子羚 何沛珈 朱晨麗 張頴康 張馳豪 倪嘉雯 等現身商場為《反黑英雄》宣傳，由劇中嘅CP玩貼身爆波波遊戲，山聰享盡齊人之福，有飾演佢前度嘅朱晨麗同現任嘅何沛珈陪玩，而同姚子羚劇中有感情線嘅張振朗因缺席活動，由阿康頂上，兩人顯得默契十足。

喺劇中子羚多次被瘋狂虐待，又被打毒針，又被拋落水，又浸冰，但原來仲會有更激嘅演出，劇透將會有一場喺遊艇上被金爺個仔謝可逸以傾生意為名，遭對方侵犯，呢場戲嘅尺度非常廣闊，連身邊嘅阿康都話好多纏綿動作，而子羚則指最難係對方一邊鍚佢耳仔及好多部位，佢一邊要演戲就鏡頭，但認為尺度可以更加激烈。

之前山聰上演勇救遇襲何沛珈嘅戲份時，展示出超靈活身手，面對受過3年英軍訓練嘅混血男演員莫浩峰打得不分上下，更唔錫身為何沛珈擋住塌下來嘅鐵架。山聰都戥對方緊張，因為知道佢從未試過拍打戲，所以鐵架冧落嚟嘅一幕，山聰傾力保護，令何沛珈坦言對住山聰有種莫名信任。

Aska喺劇中戀上飾演龍頭大佬千金 倪嘉雯 ，呢對小情侶雖然好有CP感，但由於Aska好怕醜，拍攝時Carmen真係要花好多力氣先令對方投入，而自認怕醜仔嘅Aska就話可能角色仲比佢真人冇咁怕醜。

此外，J2前主持 文頌男 (Koba)日前不敵癌魔離世，終年29歲，抗癌半年期間Koba一直表現樂觀，至早前病情轉差，上月底佢經已下半身癱瘓，但都有發文Update狀況同感謝各人支持，昔日節目拍檔吳兆麟得悉Koba死訊後感到好愕然，指較早前佢喺節目《福祿壽訓練學院》中演出，仍有收到Koba訊息，當時還鼓勵他叫加油，如今聽呢個消息，難以接受。

#反黑英雄 #陳山聰 #姚子羚 #何沛珈 #朱晨麗 #張頴康 #張馳豪 #倪嘉雯 #文頌男 #J2ers #吳兆麟 #抗癌 #死訊 #謝可逸 #莫浩峰
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0