Скачать или смотреть பனைக்கனவு திருவிழா 2025 | நரசிங்கனூர் பனங்காடு விழுப்புரம். # பனங்காடு

பனை கனவுத் திருவிழா 2025
மே 24 சனிக்கிழமை


பனையேறிகள் குடும்பத்தோடு ஊர்வலம் வந்து தங்களை வாழ வைத்துக் கொண்டிருக்கும் பனை மரத்துக்கு பூசையிட்டு பனையில் இருந்து பெறப்பட்ட அனைத்து பொருட்களையும் படையலிட்டு நன்றி தெரிவிக்கும் மாபெரும் படையல் நிகழ்வு நடைபெற்றது

ஊர்வலத்தில் இதுவரை கண்டிராத அளவுக்கு பனையேறிகளின் அணிவகுப்பு நடைபெற்றது

மறத்தமிழன் கலைக்குழுவினரின் பறை இசை திருவிழாவின் துவக்கம் முதல் முடிவு நிகழ்வு வரை நம்மை அதிரச்செது

பனங்காடு கலைக் குழுவினரின் சிலம்பம், நாடகம், பாடல்கள் பனையைப் பற்றி விழிப்புணர்வு ஏற்படுத்தி இரத்தத்தை சூடேற்றும்.

பனையேறும் வீர விளையாட்டு போட்டியில் கலந்து கொள்ளும் இளைஞர்களின் வேகம் பார்வையாளர்களை சிலிர்க்கச் செய்தது

இதுவரை பனையைத் தொட்டுப் பார்க்காதவர்கள் கூட தகுந்த பாதுகாப்போடு பனையை கட்டித் தழுவி ஏறுவதற்கான பயிற்சியும் அனுபவம் வாய்ந்த பயிற்சியாளர்களால் நடத்தப்பட்டது

நோகாமல் நொங்கு தின்ன முடியாது என்ற பழமொழிக்கேற்ப நுங்கு தின்னும் போட்டி புது அனுபவத்தை தரும்.



சிறப்பு அழைப்பாளர்களின் கருத்துரைகள், பனையேறிகளின் அனுபவ பகிர்வு, புதிய தொழில்நுட்பங்களை பயன்படுத்தி பனையை அடுத்த கட்டத்திற்கு நகர்த்தி சென்ற சாதனையாளர்களின் சாதனை பகிர்வுகளை கேட்டறிந்திடலாம்.

கள், பதநீர் போன்றவைகளை பனை மரத்திலிருந்து நேரடியாக இறக்கும் காட்சி, கருப்பட்டி தயாரிப்பதை நேரடியாக பார்க்கும் வாய்ப்பு, பனையோலைக் குடில் கட்டுமான அமைப்பை காணுதல், பனை மரத்தில் கட்டப்பட்டிருக்கும் பரன்களில் இளைப்பாறுதல்,

கருப்பட்டி / பனம்பழ பனிக்கூழ் (Ice cream) முதலிய பல்வேறு பனை உணவுகளை சுவைத்திடலாம். வீட்டிற்கு தேவையான சுற்றுச்சூழலுக்கு உகந்த பனை சார்ந்த பயன்பாட்டு பொருட்களை வாங்கிச் செல்லலாம்.

மரபு காய்கறி விதைகள், இயற்கை உணவு பொருட்கள், சித்த மருந்துகள், கைவினைப் பொருட்கள், வீட்டுப் பயன்பாட்டுப் பொருட்கள், தின்பண்டங்கள் போன்றவற்றை விற்பனை அரங்குகளில் வாங்கிச் செல்லலாம்.

மாலை 7:00 மணிக்கு ஆயிரம் நபர்கள் ஒரே இடத்தில் நின்று கார்த்தீ (மாவொளி) சுற்றும் நிகழ்வில் கலந்து கொள்ளும் ஒவ்வொருவரும் பெருமகிழ்ப் பேரனுபவத்தை உணர்ந்தனர்

இரவு 9 மணிக்கு பறையிசையோடு பனையேறிகளின் கதைப்பாடல் ஒப்பாரிக் கூத்து நிகழ்வு அவர்களின் வாழ்வியலையும் வலிகளையும் உணர்ந்தறியச் செய்வதாக அமைந்தது

#villupuramcity #பனைகனவு