Скачать или смотреть محمد بن غرمان - مرثية ( حصرياً ) | 2022

محمد بن غرمان - مرثية ( حصرياً ) | 2022
Muhammad Bin Gharman - Elegy (Exclusive) | 2022

لا تنسى الاشتراك في القناة و تفعيل زر الجرس ليصلك كل جديد
https://bit.ly/3kU3vHx

كلمات : تركي بن خالد الديري
اداء : محمد بن غرمان

الكلمات:
يالله انك وحدك انت المستعان
الطف بقلب عليه الحزن بان
من شديد الفقد والصدمه عليه
ضاق به كونه و ضاق به المكان

في نهار شمسه اظلم نورها
والمحاجر غصت بحنجورها
من فجيعه طاري الفقد الكبير
وصدمة الموت استفز حضورها

قالو يا تركي ولطف الله عليك
مات منهو باقيٍ من والديك
قالو امك تطلب انك تبيحها
وادع بالرحمه لها و ارفع يديك

لا اله الا الله الرب الرحيم
لا اله الا الله الرب الكريم
ما قدرت اصدق ان هذي وفاة
وانها امي وانا فقدي عظيم

ماتت امي واصغرت هذي الحياه
وانتهت كل الخواطر والطراه
كل شي في عيوني مستوي
ومحجر عيوني يجود بمحتواه

امي يا صوتٍ يناديني تعال
قلبك اللي مات عندي لا يزال
يرسل الشوق اللي لا يمكن يموت
والدموع اكرم من النهر الزلال

كانت امي بالمحنية تجود
لو بها تنثر على دربي ورود
كل ساعة تتصل وين انت فيه
اتصال منه تتروا الكبود

صرت انا اتذكر تفاصيل العمر
كنت طفل ومر به عمر وكبر
وكبرو عيالي وانا بعيونها
طفل لو شيبت من هذا الدهر

ماتت وهيّه علينا راضية
عبرتي في ذالحياة الفانية
امي امي امي يا نور الحياه
الحياه بلا وجودك طافية

ما نسينا البر وانتي فالوجود
كيف ننسى وانتي من بين اللحود
برّنا لك عهد لين اخر نفس
من عطى اللي لا عطى يعطي بزود

حن على عهدك عسانا صالحين
والدعاء لك كل ليل وكل حين
واللقى في جنة الفردوس دام
جنته تجزا لخير الصابرين

طالبك يالله تكرم نزلها
وتجعل الجنة مداهيلٍ لها
ضيفةٍ عندك وضيف الله عزيز
واجبر قلوب تباكت لجلها