مفخرة التاريخ 🔥- شبل سفيان & عبدالله ال مخلص 2019

مفخرة التاريخ


كلمات :
فارس بن سحيم
اداء :
شبل سفيان
عبدالله ال مخلص
مكساج :
م . عبدالرحمن الشهري
تسجيل وهندسة صوتية :
تون لايف
جرافكس :
لحن قحطان

الكلمات :


القصيد اللى خذا الجزل من سحر البيان
كل ماجات المواقف وقف من دونها

يصنع الدهشه وياخذ من الجزله ضمان
قبل نقاد القصايد تلد اعيونها

في ذرى وجهي تذرى وخذ فكري مكان
غصب عن صاحي الاودم وعن مجنونها

والمواقف مالها الا الحصان ابن الحصان
عادتً لي والمواقيف أنا دندونها

احتمى ميدانها بالذارع وباللسان
والله اني عون للى تدور عونها

ماتزعزعني سوالف فلان ولا فلان
والثقه فالنفس مايختلف قانونها

والضعافه ماتجي غير في راس الجبان
والحميه في يديني وانا مامونها

دون ربعي ماتقهقر وفي الميقاف ابان
عقب اللى فالاوزم تخيب اضنونها


مرحبا ترحيب فيه الكرم والاعتزاز
عند قومً تعشق الطايلات انفوسها

عن ثقيف اللى تحوز المدايح بامتياز
الشرف عنوانها والفعول لبوسها

فعلها ماخذ من الكايدات اغلى طراز
قبل عباد الدارهم وزود افلوسها

ياثقيف العز يامنبع القوم العزاز
يامجندلة الاعادي وياكبوسها

مجدنا جاب العراق وتعلا فالحجاز
واسمنا فالهند والسند قام ايروسها

لا تعزوينيا لنا النصر صار الارتكاز
والعدا وقت الحرايب نجي وندوسها

يوم دقلات السرايا نجيد الانتهاز
للفرص واخصامنا ماتعلا روسها

اسما معروف قبل البطاقه والجواز
والاسامي كلبوها يجي ويحوسها


كسبنا الفعايل والنواميس بالاجماع
وصارنا لها ساده وقاده نقديها

نوفي والوجوب ونحمي الجاني المرتاع
ونثبت نهار القوم تعلن تحديها

خلقنا مايطمع قسمنا واحداً طماع
نقف له ونكسر شوكته مانمشيها

لنا في فضا الامجاد والطايله مطلاع
قبل لا فلكس يفكر انه يسويها

لكن ماقفزنا مثله من الفضا للقاع
ثبتنا وثبتنا الفعول ومباديها

ثقيف الفخر تاريخها للعرب مرجاع
وينبيك حاضرها عن افعول ماضيها

حكمنا الدير من دون طياره ومدفاع
بحدب السيوف اللى من الدم نرويها

ومن دون الاسلام ارتكينا نهار الداع
وروساً نعليها وروساً نوطيها