COLT EXPRESS / 柯爾特快車 - 桌遊介紹 by 喪•玩物誌 (第15集)

一群不法之徒密謀搶劫火車，槍手亂鬥一觸即發~!

鍾意我哋嘅影片，拜托大家 Subscribe 我哋嘅 YouTube Channel，支持吓我哋每星期為大家放送嘅節目。未睇過嘅朋友，就記得去 #喪玩物誌ZombiePlayerGuide 嘅頻道重溫之前嘅集數啦。
請課金支持:   / zombieplayerguide  
Facebook支持:   / zombieplayerguide  
Instagram支持:   / zombieplayerguide  

遊戲名稱：柯爾特快車 / Colt Express
遊戲人數：2-6人
遊戲時間：30分鐘
適合年齡：13歲以上
遊戲設計：Christophe Raimbault
美術設計：Ian Parovel, Jordi Valbuena

規則 與 心得：
柯爾特快車係2015年最佳桌遊展嘅第一名，玩家扮演西部大盜喺火車上進行搶劫，睇吓邊個可以成為最有錢嘅大盜！

呢個遊戲嘅機制非常特別，玩家嘅行動並唔係即時執行嘅，每個人動作都會影響到其他人嘅行動，等我哋一齊嚟體驗一吓西部列車嘅魅力啦~!

遊戲內容物件：
．1個火車頭同6個火車車廂
．6張玩家版圖
．7個槍手棋子，6個玩家同1個警長
．102張玩家卡片，一位顏色17張，分別係10張行動卡、6張子彈卡、1張角色卡
．17張回合卡，7張2-4人、7張5-6人、3張終點卡
．13張「正義子彈」卡
．26個贓物指示物，18個錢袋（價值250～500元）、6個寶石（價值500元）、2個手提箱（價值1000元）

遊戲設置：
．將火車頭放置喺場中央，依照人數接上火車車廂，四位玩家就放置4個車廂。
．依照車廂地板上嘅圖示嚟放置贓物指示物，錢袋係隨機抽取，贓物嘅價值必須面向下，所有人都唔會知道贓物嘅價值。
．每位玩家選擇1個顏色，拿取該角色嘅玩家版圖、卡片、槍手棋子同一個價值250嘅錢袋。
．玩家將自己嘅行動卡洗勻放喺版圖上，子彈卡按照順序排好，第一張係六子彈，依此類推。
．起始玩家將棋子放置喺最後一個嘅車廂內，順時針第二位玩家將棋子放喺倒數第二個車廂內，順時針第三位玩家放喺最後一個，依此類推。
．將警長米寶放喺火車頭。
．根據玩家人數，拿取2-4人回合卡或5-6人回合卡，喺7張回合卡中隨機抽出4張，然後再從3張終點卡抽出一張，形成一個5張嘅回合牌庫。
．將正義子彈卡放喺旁邊準備，準備好就可以開始啦~!

遊戲流程：
遊戲嘅目標係成為最有錢嘅大盜。
遊戲會進行5個回合，每回合會有兩個階段。

階段一：出牌階段。
回合開始時，每位玩家喺行動卡中隨機抽出6張手牌，呢6張就係呢一回合可使用嘅手牌，剩低嘅行動卡放喺玩家版圖上。
喺這個階段，玩家必須依照回合卡上嘅指示來出卡。從起始玩家開始，喺6張手牌中選擇一張打出，面向上（有啲狀況會係面向下）放喺場中央。
行動卡嘅效果並唔會馬上執行，起始玩家出完後順時針換下一位玩家出牌，卡片壓喺剛剛起始玩家出嘅行動卡上，依此類推。直到所有玩家出完所有卡片後（按照回合卡），接著進入下一階段。

階段二：執行階段。
將嗰一疊行動卡翻面，從起始玩家出嘅第一張開始執行動作，每一張行動卡都必須執行。若果冇對象或物件可執行，則空轉唔執行。

下面介紹行動卡的效果：
1) 移動：玩家可以移動你嘅棋子，若棋子喺車廂內，則只可以向前或向後移動去旁邊嘅車廂。若棋子喺車頂，則可以移動1～3步嘅距離。
2) 升降：玩家可以上升或下降你嘅棋子，若喺車廂內則向上到車頂，若喺車頂則向下到車廂內。
3) 撿錢：玩家可以執起棋子所在位置嘅贓物。車頂上嘅玩家不可以拿取車廂內嘅贓物，若所在位置冇贓物，則空轉。
4) 拳擊：選擇一位同位置嘅玩家進行攻擊，一定必須係同車廂或同車頂。被打嘅角色會掉落一個贓物，由攻擊嘅玩家隨機抽取，唔可以公開贓物嘅價值。而被打嘅玩家會移動到旁邊嘅車廂或車頂，由攻擊方決定，若棋子喺火車頭則向後移動，若喺車尾則向前移動。
5) 開槍：選擇一位旁邊車廂嘅玩家進行射擊，唔可以射擊同位置或相隔兩個車廂以上嘅玩家，亦唔可以向上或向下射擊。當玩家喺車頂上時，則可以射擊車頂上任何距離嘅玩家，但係一樣無法射擊同位置嘅玩家。若玩家嘅射擊直線上有前後不同嘅玩家，就無法射擊到後方嘅玩家。攻擊方將一張子彈卡給予被射擊嘅玩家，被射擊嘅玩家必須將呢張子彈卡加入自己嘅行動牌庫中。
6) 移動警長：玩家可以移動警長棋子到旁邊車廂，而警長係唔會移動出車頂嘅。若有玩家同警長喺同一個車廂，會食一發警長嘅正義子彈，玩家將棋子向上逃到該車廂嘅車頂，並且攞一張「正義子彈」卡，一樣加入玩家嘅行動牌庫中。

所有行動卡都執行完後，按照回合卡上嘅指示，執行「事件」。
玩家將各自嘅行動卡收回來，放返喺行動牌庫中。
所有玩家一樣將行動牌庫洗勻並抽取6張，因為行動牌庫中有其他玩家嘅子彈卡，因此玩家嘅手牌中有可能會抽到子彈卡。因為子彈卡係冇行動可執行嘅，單純就係卡玩家嘅手牌，遊戲玩到後期，好有可能手牌都係子彈牌。
玩家若冇手牌可出或唔想出牌，可以選擇放棄呢一輪嘅出牌機會，改成喺行動牌庫中抽3張。
起始玩家順時針換下一位，攞下一張回合卡，重複執行上面兩個階段。

角色技能：
．#幽靈 / #Ghost：玩家每回合嘅第一張行動卡可以面向下出，若第一輪選擇唔出卡而係抽3張牌，則此技能取消。
．#賽恩 / #Cheyenne：玩家使用拳擊卡攻擊時，可以直接將被攻擊方所掉落嘅錢袋攞走，如果選擇嘅係鑽石或手提箱，則一樣掉落到地上。
．#強哥 / #Django：玩家使用射擊卡攻擊時，被攻擊方會按照射擊方向移動到旁邊車廂，若被攻擊方喺車頭或車尾，則不會移出車廂。
．#貝莉 / #Belle：若其他玩家有其他嘅攻擊對象，則不會優先攻擊此玩家。
．#圖科 / #Tuco：可以射擊同位置嘅玩家，亦可以上下射擊，攻擊上方或下方嘅玩家。
．#教授 / #Doc：每回合可以抽7張手牌。

回合卡：
空白：呢一輪必須面向上打出行動卡。
隧道：呢一輪必須面向下打出行動卡。
加速：呢一輪，玩家一次出兩張行動卡，或者係抽3張行動卡同出一張行動卡。
倒轉：呢一輪由起始玩家開始，變成逆時針出牌。

事件：
．憤怒嘅警長：警長所在車廂嘅車頂上如果有玩家，則每一位玩家拿食一張正義子彈卡。然後警長向車尾方向移動一格，如果已經喺車尾，則不用移動。
．起風了：車頂上所有嘅玩家移動到車尾。
．急煞車：車頂上所有嘅玩家向車頭方向前進一格。
．有本事就嚟攞拿：將第二個手提箱放喺目前警長所在嘅地方。
．乘客嘅反擊：車廂內所有嘅玩家食一張正義子彈卡。
．扒竊：單獨喺一個位置嘅玩家可以攞該位置上嘅一個贓物，如果該處冇贓物則唔會執行。
．警長嘅復仇：警長上方嘅所有玩家掉落一個價值最低嘅錢袋，如果冇錢袋或只有鑽石同手提箱，則不執行。
．劫持售票員：喺火車頭車廂內或車頂上嘅所有玩家，喺銀行攞一個價值$250嘅錢袋。

遊戲結束：
當5張回合卡都執行完畢後，結算玩家收集嘅贓物價值。
而打出最多子彈嘅玩家可以得到「神槍手」嘅稱號，呢個稱號可以額外得到$1000元。如果子彈嘅數量平手，則都可以得到$1000元。
結算所有金錢，錢最多嘅玩家獲勝。
若平手，則收到最少子彈卡嘅玩家獲勝。

心得：柯爾特快車最有趣嘅地方在於，你必須記得其他玩家上一張牌出咗啲乜，並且去猜測佢哋現在嘅位置可能喺邊道，若果係計算錯誤，好有可能令你嗰個回合空轉，失去咗得到贓物或妨礙對手嘅機會。而且某啲時候玩家仲會蓋著出牌，令你更難去預測玩家嘅位置，係一款非常心機又充滿策略度嘅遊戲。有興趣嘅玩家歡迎試吓啦~!

#喪玩物誌 #ZombiePlayerGuide #桌遊介紹 #廣東話 #柯爾特快車 #ColtExpress #Party #派對遊戲 #AreaMovement #範圍移動 #SimultaneousActionSelection #PartyGame #AmericanWest #Fighting #Trains #Mechanisms #ActionQueue #HandManagement #Memory #ProgrammedMovement #SimultaneousActionSelection #TakeThat #VariablePlayerPowers #西部 #牛仔 #格鬥 #火車 #手牌管理 #記憶力 #計劃行動 #爭奪 #角色能力