Indahiro y'ubumwe (+lyrics) - Landouald Randeresi - Rwanda

Indahiro y'ubumwe, ya Landouald Randeresi - Rwanda
||
Nk"uko bisanzwe mwakosora 'texte', mukagorora ahafutamye. Murakoze.
||
Uwamenya ubuzima n'amateka by'uyu muhanzi yaturya akara. Uretse kuba tuziko ali umwe mu byatwa bya muzika by'i Gatagara mu guhimba no gukirigita gitari (kimwe nka ba Byumvuhore, Kasiyani Twagirayezu,...), nta yandi makuru menshi cyangwa agafoto ke kaboneka. Nyamara babaye indashyikirwa mu gukuza umurage mwiza wera iwacu i Rwanda.

Lyrics:
=====

Yoooohhhh...ooohhh
Nsigaye ikambere ku itaba ry'amahoro
Uwo tujya inama ni we uramukiwe
Irungu nzarisangira n'uwo nahasanze
Sinagerageza kurimuharira
Nk'uko na we atigeze adusiga ahabi.


Ubuzima buli imbere butera amatsiko
Uko bizaba kose tuzabufatanya
Uretse ko iby'isi byiganjemo ibyago
N'ahabi hose uzajya nzagusangayo.

Ntukajye wibagirwa iby'ejo hashize
Ngo wibaze uko buza gucya bimeze
Iby'ejo hashize jye birahagije
Yewe sinabona uko nabigereranya
Kubisobanura bikankomerera.

Ubuzima buli imbere butera amatsiko
Uko bizaba kose tuzabufatanya
Uretse ko iby'isi byiganjemo ibyago
N'ahabi hose uzajya nzagusangayo.


Ni impamo si urwenya, ni indahiro y'ubumwe
Sinibaza uwo nagusumbya aho yava
Ubu buzima mfite ni wowe mbukesha
Kuko wanyikuriye mu maboko yawe
Kuko wanyikuriye mu maboko yawe.

Ubuzima buli imbere butera amatsiko
Uko buzaba kose tuzabufatanya
Uretse ko iby'isi byiganjemo ibyago
N'ahabi hose uzajya nzagusangayo.


"Indahiro y'ubumwe" - Landouald Randeresi - Rwanda