Скачать или смотреть New Yaar Par ZHB Police Ki Sakht Hidayaat | Drunk & Drive, Bike Racing Par Action | ZHB TS NEWS

Naye Saal Par Zaheerabad Police Ki Sakht Hidayaat | Drunk & Drive, Bike Racing Par Action | ZHB TS NEWS

Zaheerabad se badi khabar…
Naye saal ki aamad ke mauqe par Zaheerabad Town Police ne awaam ke liye sakht hidayaat jaari kar di hain. Shehar mein aman-o-aman aur awaam ki hifazat ko madde-nazar rakhte hue, 29 December 2025 ko Zaheerabad Town ke Sub-Inspector Police Sri K. Vinay Kumar ne wazeh nizaam ka elaan kiya hai.
Police ke mutabiq highways aur sadkon par cake cutting bilkul mana hai. Saath hi hotels aur restaurants ko apni muqarrara timing par sakhti se amal karna hoga. Kisi bhi event ya function mein agar drugs ya mamnoo nashili ashya ka istemal paya gaya, to event ke organizers par sakht qanooni karwai ki jayegi.
Drunk and Drive par zero tolerance…
Sharab peene ke baad gaadi chalane walon par bhaari jurmana, driving license radd aur jail ki saza bhi ho sakti hai. Naye saal ke mauqe par shehar bhar mein special checking teams tainaat rahengi.
Police ne wazeh kiya hai ke rash driving, bike racing, over-speeding aur tez awaaz wale silencers se awaam ko pareshaan karne wali gaadiyon ko foran seize kiya jayega.
Taqreebat ke dauran khawateen ke tahaffuz ke liye SHE Teams muqarrar rahengi. Kisi bhi qisam ki bad-ikhlaqi ya chhed-chhad bardasht nahi ki jayegi.
Kisi bhi emergency ki surat mein awaam se appeal hai ke foran Dial 100 ya 112 par rabta karein.
Aakhir mein police ne awaam se appeal ki hai ke zimmedari ke saath naye saal ka jashn manayein, police ke saath taawun karein, aur sab ko naye saal ki dil se mubarakbaad pesh ki hai.
ZHB TS NEWS – Zaheerabad.

#ZHBTSNEWS
#ZaheerabadNews
#NewYear2026
#PoliceGuidelines
#DrunkAndDrive
#NoCakeCuttingOnRoad
#BikeRacingBan
#TrafficRules
#PublicSafety
#SHEteams
#TelanganaNews