បង្កើតសំណាងឱ្យខ្លួនឯង - ដោយលោកគ្រូ សោម សម្បត្តិ - Soum Sambath

បង្កើតសំណាងឱ្យខ្លួនឯង - ដោយលោកគ្រូ សោម សម្បត្តិ - Soum Sambath
ក្នុងចំណោមមេរៀនជាច្រើន ព្រះអង្គបានបង្រៀននូវមេរៀនដ៏សំខាន់មួយដើម្បីធ្វើឱ្យសុបិនក្លាយជាការពិត មេរៀននោះត្រូវបានគេហៅថា ឥទ្ធិបាទធម៌មានបួនយ៉ាង៖

១) ឆន្ទៈ ៖ដើម្បីឱ្យសុបិនក្លាយជាការពិតត្រូវធ្វើកិច្ចការណាមួយ ទោះបីការសិក្សាក្តី ការប្រកមុខជំនួញផ្សេងៗក្តី ឬក៏កិច្ចការតូចតាចក្តី អ្នកត្រូវតែមានឆន្ទៈមោះមុតនិងបំណងច្បាស់លាស់ក្នុងការធ្វើកិច្ចការទាំងនោះ។ ការងារគ្រប់យ៉ាងមិនចាំបាច់ថ្វីដល់ការងារធ្ងន់ ឬលំបាកធ្វើនោះទេ បើខ្វះឆន្ទៈហើយអ្វីៗក៏មិនអាចសម្រេចបានឡើយ។

២) វីរិយៈ ៖សេចក្តីព្យាយាម កិច្ចការទាំងអស់បើមិនមានការព្យាយាមប្រឹងប្រែងបំពេញទេ សូម្បីតែបានមកហើយ ក៏អាចបាត់បង់ទៅវិញបានដែរ ហើយជីវិតរបស់យើងនឹងដើរថយក្រោយគ្មានជំហានឈានទៅរកភាពជោគជ័យបានឡើយ។ ដូចនេះបើមានឆន្ទៈមុះមុតហើយតែគ្មានការប្រឹងប្រែងព្យាយាមធ្វើទេ អ្នកមិនអាចសម្រេចនូវជោគជ័យក្នុងជីវិតបានឡើយ។

៣) ចិត្តៈ ៖ការយកចិត្តទុកដាក់លើកិច្ចការងារ។ ការងារមួយចំនួនទោះបីអ្នកមានការស្ទាត់ជំនាញក៏ដោយ បើខ្វះការយកចិត្តទុកដាក់ផ្ចិតផ្ចង់ ធ្វើដោយប្រថុយប្រថានមិនច្បាស់លាស់ ប្រាកដណាស់ថាកិច្ចការនោះនឹងមិនអាចធ្វើបានល្អឡើយ។ ដូច្នេះអ្នកត្រូវមានការផ្ដោតអារម្មណ៍ យកចិត្តទុកដាក់លើគ្រប់កិច្ចការដែលអ្នកកំពុងធ្វើជាប្រចាំ។

៤) វិមំសាៈ ៖បញ្ញាដែលពិចារណាឃើញក្នុងកិច្ចការទាំងអស់នោះថា ធ្វើយ៉ាងណាទើបការងារនោះដើរទៅមុខបាន។ ការងារទាំងអស់មិនមែនសម្រេចបានដោយសារមានតែកម្លាំងបាយទេ គឺទាល់តែមានប្រាជ្ញាឈ្លាសវៃ ទើបសម្រេចបានផលបានល្អ។ ដូចនេះ ដើម្បីឱ្យសុបិនក្លាយជាការពិត អ្នកត្រូវមានឆន្ទៈ សេចក្តីព្យាយាម ការយកចិត្តទុក្ខដាក់លើកិច្ចការនោះ និងចុងក្រោយត្រូវមានបញ្ញា ប្រើយុទ្ធសាស្រ្តឱ្យបានត្រឹមត្រូវ៕

(មានជីវិតត្រូវតែខិតខំ​ ប្រឹងប្រែង​ធ្វេីការឱ្យអស់កម្លាំងកាយចិត្ត​។
កុំខ្ជិលច្រអួត​ កុំមានលេសច្រេីន​ និងកុំលេងសេីចនឹងជីវិត។
កាលណាអ្នក​លេងសេីចនឹងជីវិត​ នោះជីវិតរបស់អ្នកនឹងលំបាក​ ហេីយកាន់តែយ៉ាប់។ ជីវិតផ្តេីមពីបាតដៃទទេ​ គ្មានអ្នកជួយ​ គ្មានអ្នកទំនុកបម្រុង​ ដូច្នេះមានតែការខិតខំឱ្យអស់ពីកម្លាំងកាយចិត្តប៉ុណ្ណោះ​ ទេីបអាចរួចភាពក្រីក្រ។)

The PDCA cycle has four stages:
Plan - determine goals for a process and needed changes to achieve them.
Do - implement the changes.
Check - evaluate the results in terms of performance
Act - standardize and stabilize the change or begin the cycle again, depending on the results
(ចង់កសាងជាតិ ត្រូវកសាងចំណេះ ជំនាញមនុស្សជាមុនសិន)