မင်းအောင်လှိုင်ကို ဖမ်းဝရမ်းထုတ်ဖို့ တောင်းဆိုတာကို ကြိုဆိုပါတယ်

မင်းအောင်လှိုင်ကို ဖမ်းဝရမ်းထုတ်ဖို့ တောင်းဆိုတာကို ကြိုဆိုပါတယ် (ရုပ်/သံ)

ဧရာဝတီ၊ နိုဝင်ဘာ ၂၇၊ ၂၀၂၄

အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို လူသားမျိုးနွယ်အပေါ် ရာဇဝတ်တွေ ကျူးလွန်ခဲ့တယ်ဆိုတဲ့ အထောက်အထားတွေနဲ့ ဖမ်းဝရမ်းထုတ်ပေးဖို့ နိုင်ငံတကာရာဇဝတ်ခုံရုံး (ICC) မှာ နိုဝင်ဘာလ ၂၇ ရက်နေ့က လျှောက်ထားခဲ့ပါတယ်။

၂၀၁၆ နဲ့ ၂၀၁၇ ခုနှစ်တွေမှာ ရခိုင်ပြည်နယ်အတွင်း အကြမ်းဖက် သတ်ဖြတ်မှုတွေနဲ့
ရိုဟင်ဂျာတွေကို လူမျိုးတုံးသတ်ဖြတ်မှုအတွက် ပြစ်မှုထင်ရှားတာကြောင့် ICC ရဲ့ ရှေ့နေချုပ် ကာရင်အာဆက်အာမက်ခမ်း (Karim A.A. Khan) က ဖမ်း၀ရမ်းထုတ်ပေးဖို့ တရားရုံးမှာ လျှောက်ထားလိုက်တာပါ။

ရခိုင်ပြည်နယ်အတွင်းက အကြမ်းဖက် သတ်ဖြတ်မှုတွေနဲ့ မြန်မာနိုင်ငံကနေ ဘင်္ဂလားဒေ့ရှ် နိုင်ငံကို ရိုဟင်ဂျာ သိန်းနဲ့ချီ ထွက်ပြေးတိမ်းရှောင်လာရမှုစတဲ့ ရာဇ၀တ်မှုတွေကို ၂၀၁၉ ခုနှစ် နိုဝင်ဘာလ ၁၄ ရက်ကစတင်ပြီး စုံစမ်း စစ်ဆေးခဲ့တာဖြစ်ပြီး၊ စုံစမ်းစစ်ဆေးမှုတွေအပြီးမှာ စစ်ခေါင်းဆောင်ဟာ လူသားမျိုးနွယ်အပေါ် ရာဇ၀တ်မှုကျူးလွန်တယ်လို့ ICC တရားရုံးက ကောက်ချက်ချခဲ့တာ ဖြစ်တယ်လို့ ထုတ်ပြန်ချက်မှာ ပါရှိပါတယ်။

စစ်ခေါင်းဆောင်ကို ဖမ်းဝရမ်းထုတ်ခြင်းအတွက် လိုအပ်တဲ့စံနှုန်းတွေနဲ့ ကိုက်ညီမှုရှိမရှိကို
နိုင်ငံတကာ ရာဇ၀တ်တရားရုံးရဲ့ တရားသူကြီးတွေက ဆုံးဖြတ်ရမှာဖြစ်ပြီး၊ ဖမ်း၀ရမ်းထုတ်ရန်
လျှောက်ထားမှုဟာ ပထမဆုံး လျှောက်ထားချက်ဖြစ်ပြီး နောက်ဆက်တွဲတွေ ထပ်မံလာဖို့
ရှိတယ်လို့လည်း ဆိုပါတယ်။

#မြန်မာ #ဧရာဝတီ #နိုင်ငံတကာရာဇဝတ်ခုံရုံး #ICCရှေ့နေချုပ် #စစ်ခေါင်းဆောင် #ဖမ်းဝရမ်း #ရိုဟင်ဂျာ #ရခိုင်ပြည်နယ် #လူမျိုးတုံးသတ်ဖြတ်မှု