Скачать или смотреть កញ្ញាទេព បូព្រឹក្ស ប្តឹងទាមទារជំងឺចិត្ត១០ម៊ឺនដុល្លារពីបុរសអ្នកជះនឹងគប់ស្រាបៀរប្រមាថមើលងាយលើរូបនាង

ភ្នំពេញ៖ តារាចម្រៀងល្បីឈ្មោះជាអតីតផលិតកម្មហង្សមាស កញ្ញា ទេព បូព្រឹក្ស បានសម្រេចដាក់ពាក្យបណ្តឹង នៅប៉ុស្តិ៍នគរបាលរដ្ឋបាលទឹកល្អក់ទី១ហើយ នៅព្រឹកថ្ងៃទី២៦ ខែធ្នូ ឆ្នាំ២០១៨នេះ ពាក់ព័ន្ឋករណីបុរសម្នាក់ជះនិងគប់ស្រាបៀរលើរូបកញ្ញា ខណៈដែលកញ្ញាកំពុងតែសម្តែងនិងច្រៀងនៅមុខមហាជនរាប់សិបនាក់ ក្នុងហាងផឹកស៊ីយីហា (សមុទ្រ) នៅតាមបណ្ដោយផ្លូវ១១៨ សង្កាត់ទឹកល្អក់ទី១ ខណ្ឌទួលគោក កាលពីយប់ថ្ងៃទី២៥ ខែធ្នូ ឆ្នាំ២០១៨ម្សិលមិញនេះ ។

កញ្ញា ទេព បូព្រឹក្ស បានថ្លែងប្រាប់មកអង្គភាពសារព័ត៌មានTVFB ឲ្យដឹងថា កញ្ញានិងដាក់ពាក្យបណ្តឹងទៅលើបុគ្គល៤រូបរួមមាន៖ ទី១គឺ បុរសដែលបានជះនិងគប់ស្រាបៀរមកលើរូបនាង , ទី២គឺ ម្ចាស់ហាងយីហោ «សមុទ្រ» , ទី៣គី អ្នករៀបចំកម្មវិធីក្នុងផលិតផលស្រាបៀរ (HITE) និងទី៤ គឺស្ត្រីដែលអះអាងថា ជាម្តាយរបស់ជនបង្ក ដែលស្ត្រីរូបនេះបានទះកំផ្លៀង មកលើអ្នករាំរបស់ខ្លួនចំនួន៣កំផ្លៀងពេញទំហឹង ។ ជុំវិញបណ្តឹងនេះ កញ្ញានិងទាមទារសំណងជំងឺចិត្តចំនួន ១០ម៉ឺនដុល្លារអាមេរិក ។

ចំពោះសំណងជំងឺចិត្តចំនួន ១០ម៉ឺនដុល្លារអាមេរិកនេះ កញ្ញានឹងត្រូវយកទៅបរិច្ចាគឲ្យទៅមន្ទីរពេទ្យគន្ធបុប្ផា និងកុមារកំព្រា ចាស់ជរាទីទាល់ក្រគ្មានទីពឹងជាដើម ។ នេះបើតាមការបញ្ជាក់បន្ថែមពីកញ្ញា ទេព បូព្រឹក្ស។

តែទោះជាយ៉ាងណាក៏ដោយ ករណីនេះ TVFB និងរងចាំការបំភ្លឺបន្ថែមទៀតពីកញ្ញាទេប បូព្រឹក្ស ក៏ដូចជាភាគីខាងជនបង្កនិងបុគ្គលដែលពាក់ព័ន្ឋក្នុងរឿងរ៉ាវនេះ ៕

សូមចុចទៅលើពាក្យ SUBSCRIBE និង Like - Share