Скачать или смотреть Kaikeyi Krodh Ma Boliya Ho Bahuchari | કૈકાઈ ક્રોધમાં બોલીયા હો બહુચરી | Shree Ram Bhajan Jayaben

જય શ્રી કૃષ્ણ 🌼

આજ નું ભજન - કૈકેયી ક્રોધમાં બોલ્યા હો બહુચરી✨🙏

સરસ્વત સ્વામીને વિનવું હો બહુચરી ગણપત લાગુ પાય
વાણી આપોને માં શારદા હો બહુચરી ગુણ તમારા ગવાય
લાંબી વેણી તે શ્રીરામ ની હો બહુચરી સીતા તણા ભરથાર
કૈકેયી ક્રોધમાં બોલ્યા હો બહુચરી રામ લક્ષ્મણ વન જાય
પહેલું તે વન રામે મેલ્યું હો બહુચરી બીજે તે વન ચાલ્યા જાય
ત્રીજે તે વન મઢી મળીયા હો બહુચરી સીતા એ રોપ્યા છે વૃક્ષ
અમરો ને ડમરો રોપીયા હો બહુચરી રોપ્યા છે દાડમ દ્રાક્ષ
રાજા રાવણ નો મૃગલો હો બહુચરી વન ફળ ચરી ચરી જાય
ચરતા સીતાજીએ ભાળીયા હો બહુચરી કાંચલડી સિવડાય
સાવ સોનાનો કંચવો હો બહુચરી ચામડામાં શો સાર
નહીં કાકા ના કુટુંબમાં હો બહુચરી નહીં મામા ને મોસાળ
નહીં મહીયર માં બાંધવો હો બહુચરી કોને ચડાવું પાડ
સીતા મહીયરના પાતળા હો બહુચરી કોણ લડાવે લાડ
સીતાના વચન રામે સાંભળ્યા હો બહુચરી ધનુષ્યો લીધું હાથ
પહેલું તે બાણ રામે ફેક્યું હો બહુચરી જઈ પડ્યું દરિયા સાથ
બીજે બાણે મૃગ માર્યો હો બહુચરી ધાજો હો લક્ષ્મણ વીર
સીતા કહે જાવ દિયર હો બહુચરી હણ્યા તમારા વીર
ઘેલા ભાભી ઘેલું ન બોલીયે હો બહુચરી રામ હણ્યા નવ જાય
આણ આપી છે શ્રીરામની બહુચરી લક્ષ્મણ વાંસે ધાય
રાવણ આવ્યો જોગી વેષમાં હો બહુચરી ભિક્ષા દો સીતામાય
આણ દીધી છે શ્રીરામની હો બહુચરી ભિક્ષા આપી નવજાય
એક પગ મુકો આણમાં હો બહુચરી બીજો તે અણની બહાર
ખાંધે મૂકીને રાવણ ચાલ્યો બહુચરી હરી છે સીતા નાર
મૃગ મારીને રામ લાવ્યા હો બહુચરી નાખ્યો મઢીની બહાર
સુના મંદિર સુના માળીયા હો બહુચરી ક્યાં ગઈ સીતાનાર
રામ રુવે ને લક્ષ્મણ રિઝવે હો બહુચરી ઘેલાન રોશો રામ
સીતા સરીખી પરણવશું હો બહુચરી સીતા ધરાવશું નામ
જળ જળ કમળના નીપજે હો બહુચરી વન વન અગર ન હોય
ઘેર ઘેર સીતાન નીપજે હો બહુચરી બંધવ વિચારી જોય
રામે તે પાનબીડા ફેરવ્યા હો બહુચરી કોઈ છે બળિયો જોધ
બીડું જીત્યા હનુમાનજી હું બહુચરી લાવું સીતા ની શોધ
ડામ ઠેકીને ઉપાડ્યા હો બહુચરી ગયો લંકા મોજાર
જોયા ચોરાશી ચૌટા હો બહુચરી જોયા છે બાવન બજાર
જોયા મંદિર જોયા માળીયા હો બહુચરી જોયું રાવણનું રાજ
ક્યાંય સીતાજી દીઠા નહીં હો બહુચરી ગયો છે પાણીઆરી ને ઘાટ
બાઈ પાણીઆરી તને વીનવું હો બહુચરી ક્યાં છે સીતા માય
અશોકવાડી ને ઝાડવે હો બહુચરી ત્યાં જો તુજ થી જવાય
ત્યાંથી હનુમંત ઠેકીયો હો બહુચરી આસોપાલવની ડાળ
પડતી મેલી પવિત્રી હો બહુચરી પહેરે તે સીતાનાર
મુદ્રિકા મારા રામની હો બહુચરી ક્યાંથી લાવ્યો હનુમાન
કોણે જોવા તને મોકલ્યો હું બહુચરી કોણે આપ્યા એંધાણ
રામે તે જોવા મોકલ્યો હો બહુચરી લક્ષ્મણે આપ્યા એંધાણ
ભાળ લેવા હું આવ્યો હો બહુચરી પંચવટી પ્રમાણ
તરસ્યો તે હોઈશ ભાઈ સાવજા હો બહુચરી ટાઢા તે નિર પીજે
ભૂખ્યો તે હોઈસ ભાઈ સાવજા હો બહુચરી પડ્યા તે વનફળ ખા
ઝંઝોટે ને ઝાપટે હો બહુચરી ખંખેરે ને ખાય
માળી આવ્યો છે માથું કુટતો હો બહુચરી રાવણ પાસે જાય
રાવણ બળ થકી બોલ્યો હો બહુચરી મારો બળીને બાણ
મારજો લોઢે ને લાકડે હો બહુચરી મારજો એરણ ધાણ
કુંભકર્ણ ભાથા ભીડિયા હો બહુચરી માર્યું બળીને બાણ
ઇન્દ્રજીતે ભાથા ભીડીયા હો બહુચરી કહે વાળું એનો ઘાણ
નહિ મરું લોઢે લાકડે હો બહુચરી નહીં મરું પાણે પાષાણ
સાચું તે બોલ ભાઈ સાવજા હો બહુચરી શાને તજે તું પ્રાણ
બધી લંકાના ગોદળા હો બહુચરી સહસ્ત્ર ઘાણી નું તેલ
મારે તે પુંછડે બાંધજો હો બહુચરી અગ્નિ એમાં મેલ
મોત વાનર નું તે થકી હો બહુચરી ચેતજો મનમાં ઝટ
ત્યાં થકી ઉપડ્યો ઠેકડે હો બહુચરી જઈ બેઠો લંકાગઢ
બાળ્યા ચૌયાૅસી ચૌટા હો બહુચરી બાળી છે બાવન બજાર
રાખ્યા વિભિષણના ખોરડા હો બહુચરી આસોપાલવની ડાળ
લંકા બડે અતુલ થી હો બહુચરી હનુમાન ને હસવું થાય
જુના તે ગઢના ગોંદરે હો બહુચરી નાગર નરસૈંયો ગાય


ભજન ગમ્યું હોય તો Like 👍 કરજો અને share કરજો તમારા friends અને family groups માં.

Subscribe કરો મારી ચેનલ ને -    / jayabenrajawadha  

મારા Facebook પેજ ને લાઈક કરો -   / jayabenrajawadha  

Like. Comment. Share. Subscribe.

#SitaRam #RamSita #jayabennabhajan #bhajan #gujaratibhajan #Kirtan #jayaben #jayabenrajawadha #kaikeyi