ដុតមាន់ជាមួយ ត្រយូងចេក និង Coca Cola ពិសេស មានរសជាតិឆ្ងាញ៉

គ្រឿងផ្សំ៖

មាន់ស្រែ១ ទំងន់១គីឡូ២ខាំ សូមកុំយកធំពេក ធ្វើហើយលាងទឹកអោយស្អាត , គល់ស្លឹកគ្រៃ ស្លឹកក្រូច ខ្ទឹមស ខ្ទឹមក្រហម រំដេង, ត្រយ៉ូងចេក១ , ម្ទេស , ក្រូចឆ្មារ កូកា, ស្ករស អំបិល ប៊ីចេង ប្រេងខ្យង ម្សៅស៊ុប ទឹកត្រី

វិធីធ្វើ៖

មាន់លែងឲ្យស្អាត ប្រលាកគ្រឿងផ្សំ ម្សៅសុ៑បខ្នរ ប្រេងខ្យង ប្រលាក់ទុក១៥នាទីអោយចូលជាតិ
កាត់គល់ស្លឹកគ្រៃ ប្រវែង១ចង្អាម ដាក់ទ្រាប់គូទឆ្នាំង ហើយចាំចាក់ប្រេងឆា ដាក់មាន់ រៀបត្រយូងចេកកាត់ជា៤ដាក់ចំហៀង

ដាក់ភ្លើងល្មម កុំអោយឆាប់ខ្លោច ដាក់រំងាស់ប្រេងវា ១០នាទី បើកមើលម្ដង ឱស្សាហ៌ប្រែវា មើលត្រយូងចេកឆ្អិនលើកលើង ហើយចាំចាក់កូកា រំងាស់វាទាល់ឆ្អិន ឡើងពណ៌។

វិធីបុកទឹកត្រី៖

ខ្ទឹមស ម្ទេស បុកអោយម៉ត់ ចាំដាក់ ស្ករស៣ស្លាបព្រាបាយ ទឹកត្រី ៤ស្លាបព្រា ទឹកក្ដៅ៤ស្លាបព្រា អំបិល១ចឹប បីចេងតិច ក្រូចឆ្មារ ២ផ្លែ រួចភ្លក់មើលតាមចំណូលចិត្ត។
មាន់ដុតហើយ លើកដាក់ចាន ជ្រលក់ជាមួយទឹកជ្រលក់ ជាការស្រេច។