LALPA REMRUOTNA/ RORELNA: SERAFIM VOICES (OFFICIAL MUSIC VIDEO)

Ngaitu hai po poin Pathien malsawmna dawnga Pathien remruotna a lungawi thei dingin Pathienin malsawm raw seh.

LALPA REMRUOTNA a hung suokdan: Mihriem hringnun hin harsat a tuok hlak a. Chuong ang harsatna hai hrethiem el hlaktu chu tlawmte chau an nih. Kumkhat lai Khan ka hringnun a harsatna nasatak ka thuok a,ka thla reng hi a ngam thei nawh a. Inthiem naw na’n ka sip a, Hrilsietna le elrelna tawngbau hai dam ka hriet nasa khawp el a. Ka tawngtai a ,Lalpa thu le hla hai ka ziek dawk ve hlak a, mihriet khawm ka hung hlaw met met a, ka hringnun a harsatna ka tuok lei hin, ei lo inphawlna hlak thu le hlahai kha, keima leiin min iengma lo ah an inchangtir ding ka phal nawh. Ka tling naw nih, hla siem hai khawm hi min tawp santir el rawh ka ti a. Chuonga beidawng taka ka um lai chun, Job hringnun an thawkin Pathienin ami hung bik a, Pathien anthawk thiltha ka hmu sie chun, thil tha lo khawm ka hmu ve ding a ni zie hai ami hril a. Job in a tuorna lei a thlarau mit ngei a Pathien a hmu theina dam kha amin hmu tir a, Hla siem ta lo dinga ka ngen chu hla ami hung pek nawk ta anih. Hartsatna hmun a, ka thaw suolna hmun a khawm nisien ka bul tan that a mi phal pek ka hrietin ka lawma, ka tuorna leiin ka thlarau a dam a, a lawm ding an phawt chun hi thi thei ka taksa hin a tuor in tuor el raw se’ tiin Pathien kuomah kan hlan thar ta a nih.

#Solomon_V_Hmar#Serafim_Music_Ministry