Yangi O‘zbekistonning muzaffar sportchilari

#xs_uz #narodnoeslovo
XXXIII yozgi Olimpiadada tarixiy natija koʻrsatib, Oʻzbekiston sharafini munosib himoya qilgan, yurt bayrogʻini koʻklarga ko’targan sportchilarimiz bugun Oʻzbekistonga yetib keldi. Minglab o'zbek sporti muxlislari qahramon sportchilarimizni tantanali kutib olishdi.

Prezident Shavkat Mirziyoevning topshirigʻiga asosan, chempionlar Toshkent aeroportida tantanali kutib olindi.

Bir necha kun butun dunyo eʼtibor markazida boʻlgan Parij-2024 XXXIII yozgi Olimpiya oʻyinlari oʻz yakuniga yetdi. Dunyoning 206 mamlakatidan tashrif buyurgan eng kuchli atletlar ishtirokidagi Oʻyinlarda Oʻzbekiston delegatsiyasi oʻz tarixidagi eng yaxshi natijani qayd etishga muvaffaq boʻldi. Muzaffar atletlarimiz murosasiz bellashuvlar davomida 8 ta oltin, 2 ta kumush va 3 ta bronza, jami 13 ta medal qoʻlga kiritib, Yangi Oʻzbekiston qahramonlariga aylanishdi.