Sumqayıtlılar təhlükəsizlik qaydalarından xəbərdardırlarmı? (HSE.az sorğu)

Sorğudan aydın oldu ki, bir çox insanlarımız yalnış məlumatlıdırlar. Müsahibə sonrası hər bir kəsə bununla bağlı ilkin təlimat keçirilmişdir. İzləyicilərimiz üçün də suallarla bağlı ilkin təlimatı aşağıda qeyd etmişik:

1. Fövqəladə hallar zamanı Fövqəladə Hallar Nazirliyinin 112 qaynar xəttinə zəng vurmaq lazımdır. Bundan başqa, aşağıdakı qaynar xətt nömrələrini bilməklə müvafiq vəziyyətlərdə aidiyyatı qurumlarla əlaqə saxlaya bilərsiniz:
Dövlət Yanğından Mühafizə Xidməti - 101
Daxili İşlər Nazirliyi (Polis) - 102
Təcili Tibbi yardım - 103
Qaz Qəza xidməti - 104
Mərkəzi Xəstəxana - 105
Səhiyyə Nazirliyi - 9103
Ekologiya və Təbii Sərvətlər Nazirliyi - 168

2. Ev şəraitində civə dağılan zaman yerinə yetirilməli olan təhlükəsizlik tədbirləri:
Təmiz hava axınını və otaqda temperaturun düşməsini təmin etmək üçün pəncərələri açın.
Cihaz sınan otağa insanların və heyvanların girişini məhdudlaşdırın.
Üzərinə civə dağılmış bütün əşyaları (paltar, xalça və s.) toplayaraq polietilen kisələrə dolduraraq eyvanda, qarajda və digər təhlükəsiz yerlərdə Fövqəladə Hallar Nazirliyinin əməkdaşları gələnə qədər müvəqqəti saxlamaq;
Civə damlalarını toplayan zaman tozsorandan istifadə etmə
istifadə etmək olmaz. Çünki, tozsoran civə hissəcikləri ilə çirklənə bilər və ya civənin əksər hissəsi tozsoranın filtri onu tutmadığı üçün aerozol formasında ətrafa yayıla bilər;
Civə damlalarını toplayarkən nazik ucluqlu armudvari rezin pipetkadan, yoğun iynəli tibbi şprislərdən, metal məftildən istifadə edilir. Rezin əlcəkdə və üzdə tənzif sarğı ilə suda bir qədər isladılmış qəzetlə dağılan civəni yığın. Lap xırda hissəcikləri skoç və ya yapışqan lentlə (leykoplastır) yığmaq olar.
Yığılan civəni su ilə doldurulmuş bankaya yerləşdirin və ağzını kip bağlayın. Su civənin buxarlanmasının qarşısını alır. Bankanı zibilliyə atmayın, içindəki suyu kanalizasiyaya axıtmayın və ya çölə tökməyin! Ətraf mühiti çirklətməyin! Bir termometrdə olan 2 qram civə 6 000 m3 havanı çirklədə bilər.
Fövqəladə Hallar Nazirliyinin "112" zəng xidmətinə məlumat verin, civəni hara təhvil verəcəyinizi öyrənin. Civənin hamısının yığılmasında əmin deyilsinizsə, müayinə üçün mütəxəssisləri çağıra bilərsiniz.

Nə etmək olmaz:

Civəni süpürgə ilə yığmaq. Onun çubuqları metal kürəciyini xırda hissəciklərə parçalayır, onları yığmaq isə çətin olur.
Civəni tozsoranla yığmaq. Tozsoran işlədikdə isinir, bu isə civənin buxarlanmasını sürətləndirir. Bundan əlavə, zərərli metal tozsoranın içində qalır və cihazı artıq istifadə etmək olmaz.
Civəni yığdığınız paltarı yumaq. Bu paltaryuyan maşının zərərli metalla çirklənməsinə səbəb ola bilər. Civə ilə təmasda olan bütün paltar və əşyaları ləğv etmək lazımdır.

3. Elektrik cərəyanı vuran şəxsə ilk yardım tədbirləri necə yerinə yetirilməlidir?
İlk növbədə təcili olaraq cərəyanın təsirini dayandırmaq lazımdır. Bunu rubilniki (elektrik cərəyanını kəsən açar) söndürməklə etmək olar. Hər hansı səbəblərə görə bu mümkün deyilsə, yadda saxlamaq lazımdır ki, cərəyan keçən şəxsə əllə toxunmaqla siz də zərərçəkənə çevrilə bilərsiniz. Ona görə də zərərçəkənə köməklik göstərərkən rezin əlcəklər və ayaqqabıda olmaq lazımdır. Yardım göstərən öz təhlükəsizliyini təmin etmək üçün ayaqlarının altına quru taxta lövhə, yaxud rezin parçası atmalıdır. Elektrik cərəyanının təsirini dayandırmaq üçün naqili quru taxta, saplı balta ilə kəsmək olar. Bu da mümkün deyilsə, əlaltında olan quru taxta parçası ilə, plastik əşya və s. ilə naqili kənarlaşdırmaq, yaxud zərərçəkəni kənara itələmək lazımdır.
Daha sonra:
zərərçəkəni arxası üstə rahat uzandırın;
tənəffüsə mane olan sıx paltarlarını açıb boşaldın;
nəfəs alıb-almamasını yoxlayın;
nəbzini yoxlayın.

Əgər tənəffüsü dayanıbsa, ağızdan-ağıza metodu ilə süni tənəffüs verin.

Əgər ürək fəaliyyəti dayanıbsa, ürəyin qapalı masajını edin.
Hər şeydən əvvəl isə, təcili yardıma zəng vurun!

Daha ətraflı məlumatları www.hse.az saytından əldə edə bilərsiniz.

© AzeGroup Company / HSE.az / 2018
(Rüstəm Abdullayev, Orxan Səfərli, Mircavad Fatullayev)

Sosial şəbəkədə biz:

Facebook:   / hse.az  
Twitter:   / hseazerbaijan  
Linkedin:   / hse-az  
Instagram:   / hse.az1