#RafadarXalilov

Növbəti videomuz uveit haqqındadır. Lakin uveit digər göz xəstəliklərindən bir az fərqlidir. Fərqi öyrənmək və suallarınızı qeyd etmək üçün videonu izləyin.

Aşağıdakı linklərə daxil olaraq məni digər sosial şəbəkələrdən də izləyə bilərsiniz.
Facebook:   / rafadarxalilov  
İnstagram:  / rafadarxalilov  

Mövzumuz uveitlər. Düzdür, uveiti olan pasiyentlər cəmiyyətdə az saydadır. Bəlkə də, çox insan üçün maraqlı deyil. Amma önəmli mövzu olduğuna görə və bəlli sayda pasiyentimiz olduğuna görə bu haqda da qısaca məlumat vermək istərdim. Uveit nədir? Göz daxilində iltihabi prosesin olması. Normalda bizdə iltihabi proseslər 2 cür olur: Bir septik, yəni infeksiya düşür kənardan, hər hansı bir şəkildə gözdə iltihab başlayır. İkincisi aseptik, yəni bir infeksiya mənbəyi yoxdur. Bir bakteriya düşməyib, açıq yaramız yoxdur. Endogen mənşəlidir, daxildən qaynaqlanır. Bunların da yenə 2 növü var: Autoimmun proseslər və endogeni olanlar. Uveitlər daha çox autoimmun proses nəticəsində ortaya çıxan göz problemidir. Yəni bədənimizin hər hansı bir hissəsində autoimmun proses gedir. Autoimmun prosesə əlavə olaraq gözün uvea qatı, damarlı qişası bu prosesə qoşulur və bunun nəticəsində göz daxilində iltihabi proses başlayır. Hadisə yeni başlayanda əlamətlər çox yüngül olur. Yəni yüngül qızartı, yüngül qaşıntı, qamaşma, yüngül sulanma, görmənin azacıq bulanması və yüngül ağrılar. Proses dərinləşdikcə əlamətlər də daha da kəskinləşir. Görmə daha çox pisləşmiş olur, ağrılar dözülməz hal alır, göz qapağını açıb işığa baxa bilmirlər, gözdən davamlı çoxlu miqdarda su axır və inandırım əllərini gözlərinə belə vura bilmirlər. Dəhşət ağrı olur. Elə ağrı ki, hətta ağrıkəsicilərlə belə o ağrını ortadan qaldırmaq olmur. Belə hallarda, düzdür, göz həkimi tərəfindən mütləq biz yardımlarımızı göstəririk. Amma bu pasiyentlər kompleks xəstəlik olduğuna görə sadəcə göz həkimi tərəfindən müalicə olunmamalıdır. İşin mənbəyi terapevt və ya revmatoloqlarla ortaq həll olunmalıdır. Yəni biz kəskin halda gözü müalicə edirik və terapevt və ya revmatoloqlarda orqanizm tərəfdən müalicəsini uyğun şəkildə apardıqda daha qısa müddətdə daha effektiv nəticə əldə olunur. Uveit xəstəliyinin önəmli tərəflərindən bir dənəsi birdəfəlik müalicəsinin olmamasıdır. Yəni bəzən olub bakterial konyunktivit olur, pasiyentə dərman yazırsan, 10 gün istifadə edir, bitdi. Bununla da müalicə tamamlanmış olur və xəstəlik ortadan qalxır. Uveit xəstəliyi elə deyil. İmmun sistemi aşağı düşdükcə təkrarlanır. Elə pasiyent var 3 ayda bir təkrarlanır, elə pasiyent var 1 ildə bir təkrarlanır. Təkrarlanma səbəbi yenə də göz olmur, orqanizm olur. Bu pasiyentlərin doğru təqibi revmatoloq tərəfindən aparılarsa, qanda iltihab hüceyrələri və iltihabı göstərən parametrlər stabil saxlanarsa, bu pasiyentlərin, adətən, gözlərində problem olmur. Pasiyentlərin əksəriyyəti müalicəni aldılar, rahatladılar, hər şey qaydasına düşdü deyə zənn edirlər və müalicəni ortada yarımçıq kəsirlər, həkimin icazəsi olmadan. Müalicə kəsildikdən bir neçə müddət sonra, 2-3 ay sonra yenə də təkrar bir atak başlayır. Bu atakın nəticəsində yenidən başa dönürük. Xəstəliyin xüsusiyyətlərindən bir dənəsi də hər növbəti tutma bir əvvəlkindən daha ağır gedir və bir əvvəlkindən daha çox qalıq əlamətlə qalır. Yəni nəticədə bir neçə dəfə sonra görməmiz, pasiyentin görməsi qalıcı olaraq pisləşə bilir, bəbək formasını itirir, işığa qarşı həssaslıq daha da artmış olur və davamlı ağrılarla həyatlarına davam etmək məcburiyyətində qalırlar. Uveiti olan pasiyentlərə 1. vaxtında həm oftalmoloq müayinəsi, 2. revmatoloq və ya terapevt müayinəsi şərtdir. Əgər bu 2 həkimlə mütəmadi olaraq müayinələrini keçərlərsə və orqanizmlərini qoruyarlarsa, soyuqdan, stresdən, yuxu problemlərini həll edərlərsə, remisiya dövrü dediyimiz xəstəliyin stabilləşmə periodu daha uzanar və problemləri daha da seyrəlmiş olar. Tövsiyəmiz, həkimlərdən uzaq gəzməsinlər, həkimlərin dediklərinə riayət etsinlər və immun sistemlərini güclü tutsunlar ki, bu problem təkrar başlamasın.