Скачать или смотреть Wie is God die Vader?

Het jy al ooit gevoel dat jou lewe ‘n absolute gemors is? Dis daai gevoel dat jy nog nie “daar” is nie en dalk nooit reg sal kom nie. Ons wil vandag vir jou bemoedig: Dis OK want God sien jou presies waar jy is. Hy los jou nie. Hy soek jou nie net as ‘n voltooide produk nie, maar as klei in Sy hande. Hy het ons geskep in Sy ewebeeld en Hy kan die gemors van ons lewens in skoonheid omskep.

Net soos ‘n pottebaker klei stadig en versigting vorm, vorm God jou hart, doelwit, en storie. Die proses mag dalk vir jou verwarrend of selfs ongemaklik voel, maar onthou God weet presies wat Hy doen. Jy is veilig in Sy hande!

📌 Jou lewe is die werk van God se hande.

🙏 Gebed: God, dankie dat U my Pottebakker is. Selfs wanneer ek nie verstaan wat U doen nie, skep U iets moois. Help my om op U plan te vertrou as my Hemelse Pappa. Amen.

🔥 Uitdaging: Teken of verf ‘n prentjie van jouself as klei in die Skepper se hande. Hy is jou Vader God wat jou vorm en heel maak.