Скачать или смотреть மாங்கல்ய மகரிஷி | Maangalya Maharishi

Temple Location - https://goo.gl/maps/vmeGZXYtumav8L2H9

மாங்கல்ய மகரிஷி - திருச்சி மாவட்டம் லால்குடியில் இருந்து சுமார் 5 கி.மீ. தொலைவில் உள்ளது இடையாற்றுமங்கலம். இந்த புண்ணிய திருத்தலத்தில், சுமார் 900 வருடங்கள் பழமையான சோழர் கால ஆலயத்தில் குடிகொண்டு அருள்பாலிக்கிறார் ஸ்ரீமங்கலாம்பிகை சமேத ஸ்ரீமாங்கல்யேஸ்வரர். கல்வெட்டுகளின் படி, பாண்டியர்களும் திருப்பணிகள் பல செய்துள்ள சிறப்புமிக்க திருத்தலம். சுவாமி மற்றும் அம்பாளின் திருப்பெயர்களே, இது கல்யாண வரம் தரும் ஆலயம் என்பதைச் சொல்லாமல் சொல்கின்றன. உத்திர நட்சத்திர திருத்தலம். உத்திர நட்சத்திரத்திற்கு மாங்கல்ய மங்கள வரம் நிறைந்திருப்பதால்தான்,

அனைத்து தெய்வ மூர்த்திகளின் திருமண உற்சவங்கள் பங்குனி உத்திர நட்சத்திரத்தில் நிகழ்கின்றன. உத்திரம் நட்சத்திரத்தில் பிறந்தவர்கள் பிறந்த நட்சத்திரத்தன்றோ அல்லது பௌர்ணமி, சிவராத்திரி தினங்களில் இங்கு வழிப்படுவது மிகச்சிறப்பு. ஈசன் கிழக்கு நோக்கியும், அம்மன் மங்களாம்பிகை தெற்கு நோக்கியும் அருள்பாலிக்கின்றனர். இக்கோயிலின் மற்றொரு சிறப்பு, இங்கு அருள்புரியும் மாங்கல்ய மகரிஷி. இவர் உத்திரம் நட்சத்திரத்தில் அவதரித்தவர்.

அகத்தியர், வசிஷ்டர், பைரவ மகரிஷி போன்ற மகரிஷிகளின் திருமணத்தில் மாங்கல்ய தாரண பூஜையை நிகழ்த்தி வைத்தவர். இவரது தவ வலிமை அனைத்தும் அவரது உள்ளங்கைகளில் அடங்கியுள்ளது. திருமணப்பத்திரிக்கைகளில், மாலைகளை தாங்கி பறக்கும் அட்சதை தேவதைகள், மாங்கல்ய தேவதைக்கெல்லாம், மாங்கல்ய மகரிஷி தான் குரு. இவர் தினமும் அமிர்த நேரம், சித்த யோக நேரங்களில் சூட்சும வடிவில் இத்தல மாங்கல்யேஸ்வரரை வணங்கி தனது மாங்கல்ய வரம் தரும் சக்தியை அதிகப்படுத்திக்கொள்வதாக நம்பிக்கை. தடைப்பட்ட திருமணத்தால் வருந்துவோர், இங்கு வந்து மாங்கல்ய மகரிஷிக்கு நெய்விளக்கு ஏற்றி, மாலை அணிவித்து , அவர் முன்பு ஜாதகம் வைத்து வழிபடவேண்டும். அதே போன்று, இறைவன் இறைவிக்கும் விளக்கேற்றி வழிபட,அவர்களுக்கு விரைவில் கல்யாண வரன் தேடி வரும் என்பது இங்கு வரும் மக்களின் அசைக்கமுடியாத நம்பிக்கை. நல்ல வரன் அமைந்ததும் கல்யாணப் பத்திரிகையுடன் வந்து சுவாமி , அம்பாள் மற்றும் மாங்கல்ய மகரிஷியை வணங்கி, திருமணம் நல்லமுறையில் நடக்க வேண்டும் என்று பிரார்த்திப்பதோடு மட்டுமின்றி, அவர்களையும் திருமணத்திற்கு வரும்படி அழைப்பு விடுப்பது மிகச்சிறந்தது.