ចម្រៀងបុរាណជ្រើសរើសពិសេស ៦បទ ច្រៀងដោយតារាចម្រៀងឯកទាំង៣ដួង

ចម្រៀងបុរាណជ្រើសរើសពិសេស ៦បទ ច្រៀងដោយតារាចម្រៀងឯកទាំង៣ដួង

ទទួលបទដោយ អ្នកគ្រូ ឌួង ម៉ារ៉ី ច្រៀងជាពួក រួមជាមួយលោកគ្រូ យ៉ាន់ បូរិន្ទ និងអ្នកគ្រូ ហ៊ុន សារ៉ាត់

*************************************************

ចម្រៀងបុរាណបទ ផ្កាក្រង

យប់មិញខ្ញុំម្ចាស់ បាននិម្មិត
ច្បាស់ពិតជាទី គួរអស្ចារ្យ

ឃើញទ្រង់និរទេស អង្គបុត្រា
ហត្ថាទ្រង់ខ័ឌ្គ ដេញប្រល័យ

*************************************************

ចម្រៀងបុរាណបទ ដំរីលេងភ្លុក

យប់មិញសុបិន្ត ឃើញក្សត្រា
និរទេសបុត្រា គួរភិតភ័យ

ហត្ថទ្រង់ព្រះខ័ឌ្គ ដេញប្រល័យ
អឺយជាគ្រោះចង្រៃ ឬយ៉ាងណា

*************************************************

ចម្រៀងបុរាណបទ អូពិលាប ឬឱពិលាប

អឺយនាងនាថមនោរាហ៍ សោយសោកា
ត្រាស់លាបិតា (ភ្លេង)
ត្រាស់លាបិតា មាតាថ្លៃ

អឺយត្រាស់សុំភូសា ឆាប់វិលវៃ
ក្ដុកក្ដួលហឫទ័យ (ភ្លេង)
ក្ដុកក្ដួលហឫទ័យ ស្ទើរមរណា

*************************************************

ចម្រៀងបុរាណបទ ចុងឃឹម ឬចិនវាយឃឹម

កម្មកាចអាស្រូវតាមផ្ដន្ទា ឱ្យខ្ញុំឃ្លាតឃ្លាពីក្សត្រថ្លៃ(២ដង)
សូមផ្ញើទម្រង់ថ្វាយចក្រី ដោយក្ដីអាណិតនិងករុណា(២ដង)

*************************************************

ចម្រៀងបុរាណបទ សាឡាបដក ឬត្របកផ្កា

បុត្រាសម្លាញ់ មាសម្ដាយអើយ
មនោរាហ៍ព្រាត់ហើយ កុំសោកា

ទំនាយទស្សទាយ ក្បួនហោរា
នឹងត្រូវមរណា ឬនិរទេស

ចុះកម្មពីអ្វី អាក្រក់ម្លេះ
ឱ្យស្រីរបេះ ពីឱរា

*************************************************

ចម្រៀងបុរាណបទ ចិនចុះទូក

សូមព្រះវរបិ(តា)(២ដង) ទ្រង់មេត្តា
ជ្រាបនូវហេតុការណ៍ រាជបុត្រី

ព្រះសុធនក្សត្រា(២ដង) ជាស្វាមី
មកតាមបុត្រថ្លៃ បង្គំគាល់

Photos By: Hathha ហត្ថា , Robert W. Henderson, Jr.
Music by: philharmoniedeparis
Video Editor: Mohaori Ensemble-មហោរី
#mohaori #mahori #mahory #doungmarey #yanborin #hunsarath