Pata Nahi

Use Headphones If Possible.. :)

" Kabhi Kabhi Sochta Hoon,
Jo Banaya Iss Insaan Ko Humne,
Kya Koi Sach Mein Dekh Pata hai?''

''Duniya Ki Sabse Badi Ladaiyaan,
Issi Mann Mein Hoti Hai..
Ab Yahaan Kinn Buraaiyon Ko Hara Kar,
Kinn Buraaiyon Ko Harana Chahta hoon,
Kya Koi Samajhna Bhi Chahta hai?''

''Ye Dil,
Ye Jazbaat,
Ye Hai Kya?
Koi Janna Bhi Chahta Hai?''

''Kabhi Kabhi Sochta Hoon..
Phir Lagta hai,
'Pata Nahi'
Chhod Na Yaar''
.
.
"Sawaalon Ke Dal-Dal Se To Roz Hi Guzarte Hain,
Aur Mushkil Kuch Sawaal, Raaste Mein Guftugu Kar,
Zindagi Sikha Dete Hain..
Iss Zindagi mein,
Seh ke Kuch, Seekhein Hai Kuch..
Gehraayi Mein Dhalkar Likhte Hain Kuch..
Bayaan Kar Dete Hain Kuch."
.
.
"Muskurahat Ke Liye Aaj Jaanta Hai Zamaanaa,
Sabhi Muskurahat Dekhte Hain.
Muskurahat.... Kyun Hain?
Kya Ye Bhi Koi Dekhta Hain.
Pata Nahi"
.
"Dil Pe Tala Lagaye Chal Dete Hain,
Bas Dhadkan Saath
Ek Sannata Saath Hain.Kya Aisehi Jeete Hain Zindagi?
Ya Phir Yahi Hain Zindagi?
Pata Nahi"
.
"Dekhe Hain 100 Mukhaute Maine,
Chehre Kahaan Hain?
Koi Batata Hi Nahi..
Par Ab Sach Kahun To Kisiko Janne Ka Khayaal,
Dil Se Aata Hi Nahi..
Ab Apno Ko Dhoondu?
Ya Sapno Mein Kho Jaaun?
Pata Nahi"
.
"Zindagi Har Kisi Ki Alag Hain,
Log Apni Samajh Nahi Paate,
Meri Kyun Samjhenge?
Kai Log Mujhse Milte Hain,
Par Main Unse Kab Milunga?
Pata Nahi"
.
"Ab Tajurbe Jaise Bhi Ho,
Ye Waqt Jaisa Bhi Ho,
Sab Samajhna Seekh Raha Hoon Main..
Gale Lagaunga Iss Zindagi Ko Kabhi,
Isski Dhun Pe Naachna Seekh Jaunga Jald Hi,
Par Abhi To Bas Sulajh Hi Raha Hoon Main."
.
.
"Ab
Bas
Tehelna Chahta Hoon.
Khona Chahta Hoon,
Kashmakash Ke Chehre se Sacchi Dosti Kar,
Taaron Ke Beech, Chamakna Chahta hoon.
Khud Ko Nikhaarna Bhi Chahta Hoon,
Khud Ko Badalna Bhi Nahi Chahta.
Zindagi Ko Bas Sawaarna Chahta Hoon.
Ab Ye Zindagi,
Ye Kya Mod Layegi..
.
.
Pata Nahi"