Скачать или смотреть 張與辰開騷倒數迎接2026 提及往事台上數度感觸落淚

張與辰開騷倒數迎接2026 提及往事台上數度感觸落淚

可以同偶像一齊倒數迎接新一年有幾幸福？問下辰粉就知啦！不過唔止粉絲開心，對第一次喺香港跨年嘅張與辰嚟講，有大批辰粉陪伴開騷，同樣意義非凡。

與辰以新歌《NOVARA》為個唱揭開序幕，佢仲揀咗梅艷芳嘅《妖女》、張國榮嘅《側面》、四大天王郭富城嘅《對你愛不完》、劉德華嘅《夏日Fiesta》、張學友嘅《頭髮亂了》以及黎明嘅《我的親愛》，向幾位樂壇前輩致敬。

念舊嘅與辰喺台上多謝恩師王治平特登由台灣飛來支持，除此之外，與辰提及已離世嘅天后CoCo李玟，仲忍唔住淚灑舞台，原來與辰私底下同CoCo熟識，佢話自己人生其中一個最大嘅遺憾，就係冇辦法俾CoCo見證佢今日嘅成就，所以佢特別唱咗CoCo嘅多首歌曲，向天上嘅好姐姐致意。

另外以結他自彈自唱自己嘅舊作《未離開》，與辰更喊到收唔到聲。除咗結他，與辰仲以鋼琴自彈自唱戴佩妮嘅歌曲《怎樣》同埋自己首《深海》，大騷音樂才華。

呢位音樂才子跳唱亦越來越有水準，與辰同嘉賓張馳豪同台勁歌熱舞，現場即時升溫，而當與辰喺台上介紹台下嘅重量級觀眾陳松伶，亦為演唱會掀起另一波高潮。

#張與辰 #跨年騷 #NOVARA #梅艷芳 #張國榮 #四大天王 #郭富城 #劉德華 #張學友 #黎明 #恩師王治平 #李玟 #感觸落淚 #未離開 #泣不成聲 #自彈自唱 #張馳豪 #勁歌熱舞 #陳松伶 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0