Скачать или смотреть ಹೈ-ಸ್ಪೀಡ್ ಸುರಂಗ-ಬ್ರೇಕ್ ಥ್ರೂ ಕಾರ್ಯಕ್ರಮ | 2027 ಆ.15ರೊಳಗೆ ಭಾರತದ ಮೊದಲ ಬುಲೆಟ್ ರೈಲು ಆರಂಭ

2027ರ ಆಗಸ್ಟ್ 15ರೊಳಗೆ ಭಾರತದ ಮೊದಲ ಬುಲೆಟ್ ರೈಲು ಕಾರ್ಯಾರಂಭ ಮಾಡುವ ಸಾಧ್ಯತೆಯಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಇಂದು ಮುಂಬೈನಲ್ಲಿ ಹೇಳಿದ್ದಾರೆ.
ಮಹಾರಾಷ್ಟ್ರದ - ಪಾಲ್ಘರ್‌ (Palghar)ನಲ್ಲಿ ಹೈ-ಸ್ಪೀಡ್ ಸುರಂಗ - ಬ್ರೇಕ್‌ಥ್ರೂ (Breakthrough) ಕಾರ್ಯಕ್ರಮವನ್ನು ವರ್ಚುವಲ್ ಆಗಿ ಉದ್ದೇಶಿಸಿದ ಅವರು, ಭಾರತವು ರೈಲ್ವೆ ಕ್ಷೇತ್ರದಲ್ಲಿ ಅಗಾಧ ಪ್ರಗತಿ ಸಾಧಿಸುತ್ತಿದೆ. ಬುಲೆಟ್ ರೈಲು ಕಾರಿಡಾರ್ ಅನ್ನು ಹಂತ ಹಂತವಾಗಿ ಕಾರ್ಯಾರಂಭ ಮಾಡಲಾಗುವುದು ಮತ್ತು ಮೊದಲ ಹೈಸ್ಪೀಡ್ ರೈಲು ಸೂರತ್-ಬಿಲಿಮೋರಾ ಮಾರ್ಗದಲ್ಲಿ ಕಾರ್ಯನಿರ್ವಹಿಸಲಿದೆ ಎಂದು ಹೇಳಿದರು.
ಮುಂಬೈ ಅಹಮದಾಬಾದ್ ಬುಲೆಟ್ ರೈಲು ಯೋಜನೆಯು ಪರ್ವತ ಸುರಂಗದೊಂದಿಗೆ ದೊಡ್ಡ ಮೈಲಿಗಲ್ಲು ಸಾಧಿಸಿದೆ ಎಂದ ಸಚಿವರು, ಈ ಯೋಜನೆಯಲ್ಲಿ ಒಟ್ಟು ಏಳು ಪರ್ವತ ಸುರಂಗಗಳು ಮತ್ತು ಒಂದು ಸಮುದ್ರ ಸುರಂಗವಿದೆ. ಅತ್ಯಂತ ಕ್ಲಿಷ್ಟ ಎನ್ನಿಸಿರುವ ಈ ರೈಲು ಮಾರ್ಗಗಳನ್ನು ರೂಪಿಸುವಲ್ಲಿ ಭಾರತ, ಯಶಸ್ಸು ಸಾಧಿಸಿದೆ ಎಂದು ಹೇಳಿದರು.
508 ಕಿಲೋಮೀಟರ್ ಉದ್ದದ ಹೈಸ್ಪೀಡ್ ರೈಲು ಕಾರಿಡಾರ್ ಒಟ್ಟು 12 ನಿಲ್ದಾಣಗಳನ್ನು ಹೊಂದಿರುತ್ತದೆ. ಕಾರಿಡಾರ್ ಸಬರಮತಿ, ಅಹಮದಾಬಾದ್, ಆನಂದ್, ವಡೋದರಾ, ಮುಂಬೈ ಸೇರಿದಂತೆ ಪ್ರಮುಖ ನಗರಗಳನ್ನು ಸಂಪರ್ಕಿಸುತ್ತದೆ. ಈ ಮೂಲಕ ರೈಲ್ವೆ ಕ್ಷೇತ್ರದಲ್ಲಿ ಕ್ರಾಂತಿಯಾಗುತ್ತಿದೆ ಎಂದು ಮಾಹಿತಿ ನೀಡಿದರು.

#LiveDDChandanaNews #DDChandanaNews #DDChandana #DDKannada