Скачать или смотреть Isaiah 5:1 7 -- The Song of the Unfruitful Vineyard - Il-Parabbola tal-Għalqa tad-Dwieli

Maltese Bible with DC - MDCB -- malti.global.bible --
-- https://malti.global.bible/bible/2cd2... --
ISAIJA 5, 1-7 Il-parabbola tal-għalqa tad-dwieli

1 Ħa ngħanni lill-maħbub tiegħi
l-għanja ta’ mħabbtu għall-għalqa tad-dwieli tiegħu.
Il-maħbub tiegħi kellu għalqa tad-dwieli
fuq għolja għammiela.
2 Għażaqha u naddafha miż-żrar,
u ħawwel fiha dwieli mill-aħjar;
bena torri f’nofsha,
u wkoll ħaffer magħsar fiha.
Stennieha tagħmel l-għeneb tajjeb,
iżda kulma għamlet kien għeneb qares.
3 U issa, intom li tgħammru f’Ġerusalemm,
irġiel ta’ Ġuda,
agħmlu intom ħaqq bejni u bejn l-għalqa tad-dwieli tiegħi.
4 X’kien fadalli nagħmel għall-għalqa tiegħi
u ma għamiltux?
Stennejtha tagħmel għeneb tajjeb,
u kulma għamlet kien għeneb qares.
5 U issa ħa nurikom
x’sejjer nagħmel jien lill-għalqa tiegħi tad-dwieli.
Inneħħilha l-ilqugħ ta’ madwarha,
u jħarbtuha;
iġarrfilha l-ħajt,
biex in-nies tgħaffiġha.
6 Nagħmel minnha xagħra;
ħadd ma jiżborha jew jaħdimha,
u jinbet fiha x-xewk u l-ħurrieq.
Jien ngħid lis-sħab
biex ma jagħmilx xita fuqha!
7 Għax l-għalqa tad-dwieli tal-Mulej tal-eżerċti
hija d-dar ta’ Iżrael;
u l-irġiel ta’ Ġuda
huma l-mixtla tal-għalqa tiegħu.
Huwa stenna l-ġustizzja,
u araw sab it-tixrid tad-demm,
stenna s-sewwa,
u araw sama’ l-għajjat tal-maħqura.