Khit Thit သတင်းဌာန၏ ဇူလိုင် ၃၁ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ ဇူလိုင် ၃၁ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဇူလိုင် ၃၁ ရက် ညနေပိုင်း တင်ဆက်ပေးမယ့် သတင်းတွေကတော့

- လားရှိုးမြို့ကို တန့်ယန်းဘက်ကနေ စစ်ကူလာတဲ့ အင်အား ၃၀၀ ဝန်းကျင်ပါ အကြမ်းဖက် စစ်ကောင်စီတပ်ကို MNDAA နဲ့ BPLA ပူးပေါင်းတပ်တွေက ကြားဖြတ် တိုက်ခိုက်ရာမှာ စစ်ကောင်စီ တပ်သား အယောက် ၅၀ ကျော်ဟာ အသီးသီးသေကုန်ကြတဲ့အပြင် ၊ ရာဂဏန်း လောက်ဟာလည်း ဒဏ်ရာတွေရသွားကြတဲ့အတွက် စစ်ကူစစ်ကြောင်းပါ ပျက်သွားပြီး ကစဉ့်ကလျားနဲ့ နောက်ပြန်လှည့် ထွက်ပြေး သွားကြတယ်လို့ တော်လှန်ရေး သတင်းရင်းမြစ်က ရန်ကုန်ခေတ်သစ်ကို ပြောပါတယ်။

-၁၀၂၇ ဒုတိယလှိုင်း စစ်ဆင်ရေးနဲ့အတူ မန္တလေးတိုင်းမှာပါ ရှမ်းမန်းစစ်ဆင်ရေးဖော်ဆောင်နေတဲ့ မန္တလေး PDF နဲ့ မဟာမိတ်ပူးပါင်းတပ်တွေက မတ္တရာမြို့နယ်မှာရှိတဲ့ စစ်ကောင်စီတပ်စခန်း ၇ ခုကို ထပ်မံသိမ်းပိုက်လိုက်ပြီး စုစုပေါင်း စစ်တပ်စခန်း ၃၅ ခုကို သိမ်းပိုက်ရရှိထားပြီလို့ မန္တလေး PDF က တရားဝင် ထုတ်ပြန်လိုက်ပါတယ်။

-အကြမ်းဖက် စစ်ကောင်စီက အကန့်အသတ်နဲ့ ထုတ်ဝေခဲ့တာပါဆိုတဲ့ နှစ်သောင်းတန်ငွေစက္ကူအသစ် တွေကိုပါ ပြည်သူတွေ အကြားမှာ နည်းအမျိုးမျိုးနဲ့ ပမာဏ အများအပြား လည်ပတ် ပြန့်နှံ့အောင် လုပ်လာနေပြီဖြစ်တဲ့အတွက် ငွေကြေးဖောင်းပွမှုတွေဟာ ပိုပိုဆိုးရွားလာနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။