Hmad biyzmawn - ngad avrib Rbbi gan flla lukil

Rays Hmad biyzmawn
Ngad avrib Rbbi gan fllati lukil
ⵏⴳⴰⴷ ⴰⵖⵔⵉⴱ ⵕⴱⴱⵉ ⴳⴰⵏ ⴼⵍⵍⴰⵜⵉ ⵍⵓⴽⵉⵍ
ⵓⵔⴰ ⵊⵊⵓ ⵉⵎⵓⵏ ⵍⵖⵕⴹ ⵉⵏⵓ ⵉⴽⴽⴰ ⵢⴰⴽⴽ ⴰⴽⴰⵍ
ⵉⵖ ⵓⴼⵉⵖ ⵎⴰⵙ ⴰⵜⵜⴰⴳⵯⵎⵖ ⵉⵍⵉⵃ ⴰⵖ ⴰⵎⴰⵏ
ⵉⵖ ⵓⴼⵉⵖ ⵡⴰⵍⵍⵉ ⴽⵯⵔⵀⵉⵖ ⵍⴰⵃ ⵉⵢⵢⵉ ⵡⴰⵍⵍⵉ ⵔⵉⵖ
ⵉⵖ ⵓⴼⵉⵖ ⵍⵅⵯⴹⵔⵜ ⵉ ⵟⴰⵊⵉⵏ ⵍⴰⵃ ⵉⵢⵢⵉ ⵜⵉⵙⵏⵜ
ⵡⴰⵍⵍⵉ ⵏⵔⴰ ⵢⴰⴳⴳⵓⴳ ⴰⵏⵖ ⴰⵔ ⵓⴽⴰⵏ ⴰⵍⵍⴰⵖ
ⵉⴽⵓⵜ ⵉⵙ ⴳⴰⵏ ⵎⴽⴰⴷ ⵉⵏⵓ ⵉⵙ ⴰⵜⵏ ⵙⵙⵉⵃⵍⵖ
ⵉⵕⴱⴱⵉ ⴰⵍⴱⴰⵣ ⵉⵎⵎⵓⴷⴷⴰⵏ ⵔⵉⵖ ⴰⵢⵢⵉ ⵜⴰⵡⵉⵜ
ⵉⴷⴰ ⵍⴰⵅⴱⴰⵔ ⵉⵎⵎⴰ ⵀⴰⵏⵏ ⵡⵉⵏⵓ ⵜⵜⵏⵙⴰⵏ ⴰⵖ
ⴰⴽⴽⵯⵏ ⵙⵔⵙⵖ ⴰ ⵉⴳⵉⴷⵔ ⴼⴽⴰⵜ ⵉⵢⵢⵉ ⵍⴰⵎⴰⵏ
ⴰⵡⵉ ⵜⴰⴱⵔⴰⵜ ⵉⵏⵓ ⴷⴰⵔ ⵡⴰⵍⵍⵉ ⵙ ⴰⵜⵜⵍⵍⵉⵖ
ⵉⵏⴰⵜ ⴰⵙ ⵀⴰⵏⵏ ⵍⵃⵓⴱⴱ ⵏⴽ ⵉⴽⴽⵉⵙ ⴰⵖ ⴰⵎⴰⵏ
ⵓⵍⴰ ⴰⴳⴳⵯⵔⵏ ⵖ ⵓⵣⵎⵣ ⴰⴷ ⴰⵔ ⴽⴰ ⵙⵉⵡⵏ ⵜⵜⵍⵍⵉⵖ
ⴰⴷ ⵓⵔ ⵉⵜⵜⵖⴰⵔ ⵍⵇⵍⴱ ⵏⴽ ⴰ ⵡⵉⵏⵓ ⴼⵍⵍⴰⵖ
ⵓⴽⴰⵏ ⴰⵔ ⵙⵉⵡⵏ ⵙⵉⴳⴳⵉⵍⵖ ⴰⵔ ⵏⵜⵜⵔⴼⵓⴼⵓⵏ
ⵓⵔ ⵊⵊⵓⴷⴷ ⴽⵉⵢⵢⵉⵏ ⴰⴷ ⴰⵏⵖ ⵉⴽⴽⵉⵙⵏ ⵖ ⵓⴼⵓⵙ
ⵉⵙ ⴰⵢⵢⵉ ⵜⵜⵣⴰⵢⴰⴷⵎ ⵀⵓⵍⵖ ⴰ ⵡⵉⵏⵓ ⴼⵍⵍⴰⴽ
ⵉⵖ ⴰⴽ ⵉⴹⴼⵓⵔ ⵍⵖⵕⴹ ⵏⴽ ⴰⵢⵢⵉ ⴽⴰ ⵜⵏⵖⴰⵜ
ⴰ ⵡⵉⵏⵓ ⵙⴽⵔ ⵙⵙⴰⴱⴰⴱ ⴰⵔ ⴽⵉⵖ ⵓⴽⴰⵏ ⵏⵎⵎⵓⵜ
ⴰⵡⵉⴷ ⵔⵔⵚⴰⵚ ⵏⵖ ⵍⵀⵉⵏⵜ ⴰⵡⵉⵏⵏ ⵕⵕⵓⵃ ⵏⵖ
ⴼⵜⵉⵖ ⴰⵔ ⵜⵉⵎⵣⴳⵉⴷⴰ ⴰⵔ ⴼⵍⵍⴰⵙ ⵏⵜ ⴰⵍⵍⴰⵖ
ⵖⵉⴽⵍⵍⵉ ⵖ ⵢⴰⵍⵍⴰ ⵡⴰⵣⵣⴰⵏ ⵖⵉⵍⵍⵉⵏ ⵍⵄⴰⴼⵉⵜ
ⵓⵔ ⴰⴽ ⵏⵙⵎⵉⵃ ⵏⴽⴽⵉ ⵀⵓⵍⵖ ⴰ ⵡⵉⵏⵓ ⴼⵍⵍⴰⴽ
ⵓⵔ ⵊⵊⵓ ⵜⵜⵀⵏⵏⴰⵎ ⵉⴳⴳⵉ ⵏ ⵡⴰⵎⴰⵏ ⵍⴱⵃⵓⵔ
ⵓⵔ ⵊⵊⵓ ⴷⴷ ⴰⵖⵔⵔⴰⴱⵓ ⴼ ⵡⴰⵎⴰⵏ ⴰ ⵉⵔⵚⴰⵏ
ⴰ ⵖⵉⴽⴰⵏⵏ ⴱⴷⴷⴰ ⵜⵜⴰⵣⵣⴰⵍⵏ ⴰ ⵉⵙⴽⴰⵔ ⵓⵍ ⵏⵖ
ⴰ ⵡⵉⵏⵓ ⴳ ⵖ ⵍⵄⴰⵇⵍ ⴷ ⵉⵅⴼ ⵏⴽ ⵉⵙ ⵓⵔ ⵜⵜⵓⵖ
ⴰⵡⴰⵍ ⵏⴽ ⵓⵍⴰ ⵜⵉⴷⴷⵉ ⵏⴽ ⵏⵄⴰⵇⵍ ⴼⵍⵍⴰⵙ
ⵓⵔ ⴰⴳⴳⴰⵏⵖ ⴰⵔ ⵜⵜⵓⵀⴰⵎⵖ ⵉ ⵍⵉⵎⵓⵕⴰⵜ ⵏⴽ
ⴰ ⴷⴷⵉⵖ ⴰⵔ ⴷⴰⵔ ⵟⵟⴱⵉⴱ ⵏⵙⵡⴰ ⵍⴰⴱⵉⵙⵉⵍⵉⵏ
ⵓⵔ ⵉⵢⵢⵉ ⵊⵊⵉⵏⵜ ⵜⵎⵓⴹⴰⵏ ⵓⵍⴰ ⴼⴼⵓⵖ ⵏⵜ ⴰⵖ
ⵓⵜ ⴰⵜ ⴰ ⵕⵕⵎⴰ ⵍⴱⵔⵓⵊ ⵏⵖ ⵜⵓⵜⵎ ⵜⵉⴼⵍⵡⵉⵏ
ⴰⴷⴷ ⵉⴼⴼⴰⵖ ⵡⴰⵍⵍⵉ ⴼ ⵉⴳⴰ ⵍⵄⴰⵇⵍ ⵜⴰⵖⵯⵢⵢⵉⵜ
ⴰ ⵜⴰⵙⴰ ⵓⵔ ⵉⵜⵜⵎⴷⵓⴷⵓⵢⵏ ⵉⵖ ⴰ ⵢⴰⵍⵍⴰ ⵢⴰⵏ
ⴰⵜⵜⵔⵡⴰⵙ ⴷ ⵍⴱⴰⵔⵓⴷ ⵏⵖ ⵜⴰⵙⴰ ⵏ ⵓⵔⵓⵎⵉⵢⵢ
ⵓⵔ ⵊⵊⵓ ⵉⵎⵓⵏ ⵍⵖⵕⴹ ⵉⵏⵓ ⵉⴽⴽⴰ ⵢⴰⴽⴽ ⴰⴽⴰⵍ
ⵓⵔ ⵊⵊⵓ ⵉⵎⵓⵏ ⵍⵖⵕⴹ ⵉⵏⵓ ⵖⵉⴽⵍⵍⵉ ⵜⵏ ⵔⵉⵖ
ⵢⵓⵔⴰ ⵉⵡⴰⵍⵉⵡⵏ ⵉⵙⴳⵉⴷⴷⵉⵜⵜ : ⵎⵓⵃⵎⴰⴷ ⵓⵡⴰⴷⵉ
08.07.2024 (2974)
نكًاد اغريب ربّي كًان فلاّتي لوكيلِ
ؤرا جّو ئمون لغرض ئنو ئكّا ياكّ اكال
ئغ ؤفيغ ماس اتّاكًومغ ئليح اغ امان
ئغ ؤفيغ والّي كُرهيغ لاح ئيّي والّي ريغ
ئغ ؤفيغ لخضرت ئي طّاجين لاح ئيّي تيسنت
والّي نرا ياكّوكً انغ ار ؤكان الاّغ
ئكوت ئس كًان مكاد ئنو ئس اتن سّيحلغ
ئربّي الباز ئمّودّان ريغ ايّي تاويت
ئدا لاخبار ئمّا هانّ وينو تّنساناغ
اكُّن سرسغ اييكًيدير فكات ئيّي لامان
ئنات اس هانّ لحوبّ نك ئكّيس اغ امان
ؤلا اكًُّرن غ ؤزمز اد ار كا سيون تّلّيغ
اد ؤر ئتّغار لقلب نك اوينو فلاّغ
ؤكان ار سيون سيكًّيلغ ار نتّرفوفون
ؤر جّودّ كيّين اد انغ ئكّيسن غ ؤفوس
ئس ايّي تّزايادم هولغ اوينو فلاّك
ئغ اك ئضّفور لغرض نك ايّي كا تنغاتَ
اوينو سكر سّاباب ار كيغ ؤكان نمّوت
اويد رّصاص نغ لهينت اوينّ رّوح نغَ
فتيغ ار تيمزكًيدا ار فلاّسنت الاّغَ
غيكلّي غ يالاّ وازّان غيلّين لعافيتَ
ؤراك نسميح نكّي هولغ اوينو فلاّكَ
ؤر جّو تّهنّام ئكًّي ن وامان لبحورَ
ؤر جّودّ اغرّابو ف وامان ايرسانَ
اغيكانّ بدّا تّازّالن ايسكار ؤل نغَ
اوينو كًغ د لعاقل د ئخف نك ئس ؤر تّوغَ
اوال نك ؤلا تيدّي نك نعاقل فلاّسَ
ؤر اكًّانغ ار تّوهامغ ئي ليمورات نكَ
ادّيغ ار دار طّبيب نسوا لابيسيلين
ؤر ئيّي جّينت تموضان والا فّوغ نت اغ
ؤت ات ارّما لبروج نغ توتم تيفلوينَ
ادّ ئفّاغ والّي ف ئكّا لعاقل تاغوّيت
اتاسا ؤر ئتّمدودوين ئغ ايالاّ يانَ
اتّرواس د لبارود نغ تاسا ن ؤرومويَ
ؤرجّو ئمون لغرض ئنو غيكلّي تن ريغ
يورا ئواليون ئسكًيدّيتّ : محمد وادي


#amarg_amazigh #tachlhit_music #tifinagh_alphabet_song
#taskla_tamazight #littérature_amazigh #chants_amazigh #souss #sud_marocain #smazgh_awal #mdi_awal #amarg #amazigh #belaid #anachad #demsiri #wahrouch #amentag #bizmawn #talbensirte #tabaamrante