沙三少情挑銀姐丨尹光/李鳳丨尹光經典任白再遇新馬演唱會

請支持訂閱 環星音樂/環星娛樂Facebook (讚好Like & 追蹤 Following)
  / wsmmusic  
及
環星音樂Youtube：(訂閱 subscribe)
   / wsmchannel  

Audio now available on:
moov: https://moov.hk/#/album/VAWS00029791A
iTunes: https://itunes.apple.com/us/album/%E5...

沙三少情挑銀姐
曲：古曲　詞：佚名　編：周熾楷
Copyright Control

生白：雪雁　紅梅　翠娟
　　　哼　啲妹仔去晒邊呢喂
生唱：雪雁紅梅和翠娟　妳哋而家躝左去邊
　　　快共我鬆骨酙茶遞吓煙
　　　翠娟佢又唔見面
　　　雪雁佢都未曾被我睇見
　　　三少又覺得唔自然
生白：嗰啲妹仔冚扮冷去晒邊嘅呢
　　　一個人都無嘅
　　　唉　真係激死阿三少
　　　三少無人服侍就唔得架嗎
　　　好彩　近日請咗個靚女
　　　叫做阿銀姐
　　　嘩　真係見到佢呢
　　　我就暈得一陣陣啦
　　　好彩今日佢無放假
　　　係廚房呀頭先見到佢
　　　嗌佢出嚟服侍吓三少至得　詐病
　　　銀姐　快啲出嚟服侍吓我啦
　　　喂　出嚟啦喂　銀姐　三少好辛苦呀
　　　哦佢話煲好藥先出嚟喎
　　　嘻　得咗啦
生唱：我在夢裡都猶喚叫　詐病詐得妙
　　　痴心一片我為愛嬌　為她種情苗
　　　願化同命鳥　樂也逍遙
　　　我詐病又詐得妙　雖知三少痴情　我為愛阿嬌
　　　心愛慕　要用計挑
　　　與她今晚赴約藍橋
　　　佢美艷俏妙　我相思朝晚思量奪佔阿嬌
　　　想計劃　要用意表
　　　與她身葬在那情潮　我愛她廿寸腰
　　　盼她都慰寂寥　痴心望常護照　實覺相思難療

生白：乜仲唔出嚟架呢吓　銀姐
　　　病死人架妳仲唔出嚟　快啲出嚟啦
旦白：嚟啦
旦唱：又聽少爺喚叫　我聽完又試眼眉跳
　　　佢叫完又叫我心兒焦　郎為了貪色笑
　　　晚晚捱通宵　真懨尖　幾時得到第二朝
　　　阿三少爺　佢曉詐嬌
　　　聲聲呻　搵心藥療　我明知佢意表
旦白：又試扭計啦

旦白：哎吔　三少爺
生白：吓　咁耐至出嚟嘅　病死人架妳知唔知呀
旦白：哎吔　煲藥呀
　　　煲好藥至嚟得架嗎　岩飲架啦
生白：煲藥煲咁耐架咩
旦白：飲啦
生白：飲藥呀
旦白：係囉　飲咗佢啦
生白：黑咪蚊嘅
旦白：飲啦　岩岩煲好架咋
生白：嘩　咁苦嘅　唔飲啦唔飲啦
旦白：哎吔　唔飲點得架啫
　　　苦口良藥嗎　飲咗就好架啦三少爺
生白：飲都得　妳灌我啦
旦白：哎吔點灌啫　咁醜
生白：唏　怕乜啫　嘴對嘴咁唧就得架啦
　　　怕乜醜啫　又冇人見
旦白：哎吔　咁多人係到仲話無人
生白：妳又係見到人架咩
旦白：係呀
生白：我唔見架
旦白：好多人呀
生白：唔怕呢　嚟啦
旦白：唔得嘅呢
生白：嚟啦
旦白：唔得嘅呢
生唱：哎吔嚟啦
旦白：唔得架呢
生白：唔怕呢都話　我都睇唔到人


生唱：嚟啦
旦白：哎吔　都話唔好囉
生白：都話唔怕囉銀姐
旦白：怕呀
生白：真係比妳攞命
旦唱：你何必偏要學詐嬌啫
生唱：我求嬌將我盡照料
旦唱：你何必又監我灌藥
生唱：唉　為因妳細心將我護照
生白：銀姐
旦白：點呀
生唱：妳睇吓我成身都發緊燒
旦白：點解呀
生唱：睇吓個心肝　嘩　都卜卜跳
生白：妳　妳摸吓三少個身體
旦白：哎吔男女授授不親唔得嘅
生白：唔怕嘅　三少比妳摸呀嗎
旦白：摸吓
生白：嗱　摸吓睇　係咪呢　發發聲吓話
旦白：真係跳得好緊要喎
生白：人哋一分鐘呢　就跳五十嘢架啫
　　　阿三少緊張到　一分鐘跳幾百嘢架
旦白：嘩　會唔會死呀咁
生白：妳睇吓　死就死唔得
　　　若果妳肯灌藥就唔死架啦
　　　一陣間我又發熱　一陣我又見凍喎
　　　無陰公呀銀姐

#環星娛樂 #經典任白再遇新馬 #演唱會 #環星音樂 #wsmmusichk #尹光 #謝曉瑩 #曾慧 #鄧有銀 #張美峯 #郭鳳女 #李鳳 #張美琳