Скачать или смотреть LRD : 'નોકરી ના આપો ભલે પણ મેરિટ તો સમજાવો, લોકરક્ષક ભરતી વિવાદ અંગે યુવતીઓનું પ્રદર્શન

બિનસચિવાલય પરીક્ષામાં ગેરરીતિ મામલે ચારે તરફથી ટીકાનો સામનો કરી રહેલી ગુજરાત સરકાર માટે ભરતીસંબંધી મુશ્કેલીઓ ઘટવાનો નામ નથી લઈ રહી.
હવે ફરીથી લોકરક્ષક ભરતી બોર્ડ દ્વારા લોકરક્ષક દળની ખાલી બેઠકો માટે લેવાયેલી પરીક્ષા બાદ અનામત વર્ગની મહિલાઓનું મેરિટ બનાવવામાં ગરબડ થઈ હોવાના આરોપ લાગી રહ્યા છે.
બિનસચિવાલય પરીક્ષામાં ઉમેદવારોએ ગેરરીતિ આચરાઈ હોવાના આરોપ બાદ રાજ્યભરમાં યુવાનો સરકાર સામે આંદોલને ચઢ્યા હતા.
હવે ફરીથી પોલીસ ભરતીમાં યુવતીઓને અન્યાય થવાના આરોપ લાગવાને કારણે રાજ્યના યુવાવર્ગમાં ભારોભાર અસંતોષ પ્રવર્તી રહ્યો છે.
ગુજરાત રાજ્ય પોલીસ ભરતી બોર્ડ દ્વારા ગત વર્ષે 9,713 લોકરક્ષક દળ (એલઆરડી)ની જગ્યાઓ માટે ભરતીની જાહેરાત કરાઈ હતી.
2 ડિસેમ્બર, 2018ના રોજ પરીક્ષાનું પેપર ફૂટી ગયું હોવાની વાત સામે આવતાં ભરતી બોર્ડના અધ્યક્ષ વિકાસ સહાય દ્વારા આ પરીક્ષા રદ કરવાની જાહેરાત કરી દેવાઈ હતી.
ત્યાર બાદ 6 જાન્યુઆરી, 2019ના રોજ આ પરીક્ષા ફરીવાર લેવાઈ હતી. 7.15 લાખ ઉમેદવારોએ પરીક્ષા આપવા હાજર રહ્યા હતા.
આ ભરતીના મેરિટ અંગે સ્ત્રી ઉમેદવારોએ આરોપ લગાવ્યો છે કે, સ્ત્રી ઉમેદવારો માટેની અનામત બેઠકો માટેની મેરિટયાદી બનાવવામાં ગફલત થઈ છે.
તેઓ બાકી રહેલી 1,578 બેઠકો પર બિનઅનામત વર્ગની મહિલા ઉમેદવારો સહિત લાયક અનામત વર્ગની મહિલા ઉમેદવારો સામેલ કરવાની માગ સાથે પાટનગર ગાંધીનગર ખાતે દેખાવ કરી રહ્યા છે.
આ અંગે ગાંધીનગર ખાતે દેખાવ કરી રહેલી યુવતીઓ સાથે બીબીસી ગુજરાતીએ વાત કરીને સમગ્ર મામલે વિશે માહિતી મેળવવાનો પ્રયાસ કર્યો હતો.

તમે અમારી સાથે જોડાઈ શકો છો :

Website : https://www.bbc.com/gujarati
Facebook : https://bit.ly/2nRrazj
Instagram : https://bit.ly/2oE5W7S
Twitter : https://bit.ly/2oLSi2r
JioChat Channel : BBC Gujarati
Helo : BBC News ગુજરાતી
ShareChat : bbcnewsgujarati