တို့ဟူးနွေး

တို့ဟူးနွေး

အခုတခေါက်ကတော့ အလွယ်တကူဝယ်လို့ရတဲ့ မွှေး တို့ဟူးနွေးမှုန့်ကို သုံးပြီးတော့ တို့ဟူးနွေးပြုလုပ်နည်းဖြစ်ပါတယ်။ တို့ဟူးနွေးအတွက်လိုအပ်တဲ့ ငရုတ်သီးဆီမွှေးတို့ ကြက်သားချက်နည်းတို့ကိုပါပြည့်ပြည့်စုံစုံလေးလုပ်ပြထားပါတယ်။ ဒီVideo လေးကိုကြည့်ပြီး တို့ဟူးနွေးကောင်းကောင်းလေးလုပ်စားကြည့်နော်။

ပါဝင်သောပစ္စည်းများ (တို့ဟူးနွေးပဲရည်လုပ်ရန်အတွက်)(၇ ပွဲစာ)
၁။ မွှေး တို့ဟူးနွေးမှုန့် - ၁ ထုပ် (သို့) ၁၅၀ ဂရမ်
၂။ ဆား - လက်ဖက်ရည်ဇွန်း ၁ ဇွန်း
၃။ သကြား - ထမင်းစားဇွန်း ၁ ဇွန်း
၄။ ရေ
၅။ ဆီ - ထမင်းစားဇွန်း ၆ ဇွန်း
၆။ ဆနွင်းမှုန့် - လက်ဖက်ရည်ဇွန်း လေးပုံတပုံ

ငရုတ်သီးဆီမွှေးအတွက်
ပါဝင်သောပစ္စည်းများ
၁။ ဆီ - ၃ ခွက်
၂။ ရှောက်ကောအလုံး (တရုတ်ဖာလာစေ့အမည်းရောင်) - ၃ လုံး
၃။ နာနတ်ပွင့် (ပါကော) - ၅ ခု
၄။ စီချွမ်းငရုတ်ကောင်းစေ့ (ဟွာခြောက်အစေ့) - လက်ဖက်ရည်ဇွန်း လေးပုံတပုံ (အစေ့မရှိလို့ အမှုန့်ထည့်မည်ဆိုလျှင် ဆားဖြူးသလိုမျိုးနည်းနည်းပဲထည့်ရမှာပါ။)
၅။ တရုတ်မဆလာ (five spice) - လက်ဖက်ရည်ဇွန်း တ ဇွန်း
၆။ ငရုတ်သီးအကြမ်းမှုန့် - ထမင်းစားဇွန်း ၄ ဇွန်း
၇။ အရောင်တင်မှုန့် - ထမင်းစားဇွန်း ၁ ဇွန်း
၈။ ငရုတ်သီးခြောက် - ၅ ခု

တို့ဟူးနွေးအတွက် ကြက်သားချက်
ပါဝင်သောပစ္စည်းများ
၁။ ကြက်သား အသားချည်း ၂၅ ကျပ်သား
၂။ ဆီ - ထမင်းစားဇွန်း ၆ ဇွန်း
၃။ ကြက်သွန်ဖြူ - ၃ မွှာ
၄။ ပဲငံပြာရည် - ထမင်းစားဇွန်း ၁ ဇွန်းခွဲ
၅။ ပဲငံပြာရည်အပျစ် - လက်ဖက်ရည်ဇွန်း တဝက်
၆။ သကြား - လက်ဖက်ရည်ဇွန်း ၁ ဇွန်း
၇။ တရုတ်မဆလာ - လက်ဖက်ရည်ဇွန်း တဝက်