Скачать или смотреть යම්කිසි කෙනෙකු බුදුරජාණන් වහන්සේට පැහැදෙනවා නම් ඒ මේ ලෝකේ අග්‍රම පැහැදීමයි.එහි විපාක අනන්තයි

Ven Matara Mahinda Thero - Neth FM Dharma Dakshina Poson Poya 16-06-2019
අපේ නිවන වෙනුවෙන් කැප වුන උන්වහන්සේ දවසකට සැතපුණේ පැයකුත් විනාඩි 20කුත් විතරයි.
යම්කිසි කෙනෙකු බුදුරජාණන් වහන්සේට පැහැදෙනවා නම් ඒ මේ ලෝකේ අග්‍රම පැහැදීමයි. එහි විපාක අනන්තයි.
මේ ලෝකයේ හිතල ඉවර කරන්න බැරි කරුණු 4ක් තිබෙනවා. කෙනෙක් මේ කාරණා ගැන හිතුවොත් එක්කෝ ඒ පුද්ගලයා උන්මත්තකයෙක් බවට පත් වෙනවා නැත්නම් වෙහෙසට පත් වෙනවා.
1- බුද්ධ විෂය අචින්ත්‍යයි
2- ධ්‍යානලාභී පුද්ගලයන්ගේ ධ්‍යාන බලය
3- කර්ම විපාක පිළිබඳව
4- ලෝක විෂය පිළිබඳව
එක සම්මා සම්බුදුරජාණන් වහන්සේ කෙනෙකුගේ ගුණ දන්නේ තවත් සම්මා සම්බුදු රජාණන් වහන්සේ නමක්ම පමණයි.
එදා ගන්ධබ්බ වෘක්ෂ මූලයේ සිට යමක මහා ප්‍රාතිහාර්යය පාලා පියවර දෙකකින් තවුතිසා දිව්‍ය ලෝකයට වැඩම කරා.
යුගන්ධන පර්වතය යොදුන් 42000ක් උසයි. උන්වහන්සේ පලවෙනි පාදය යුගන්ධන පර්වතයටත් ඊළඟ පාදය යොදුන් 84000ක් උස මහා මේරු පර්වතයටත් තබා තවුතිසා දිව්‍යලෝකයට වැඩියා.
මෙය දැකල 10,000ක් ලෝක ධාතුවල දෙව් බමුන් තව්තිසාවට වැඩම කරා
තවුතිසවේදී උන් වහන්සේ වැඩ සිටිය ශක්‍ර දෙවියන්ගේ පාණ්ඩු කම්බල ශෛලාසනය යොදුන් 60ක් දිගයි, 50ක් පළලයි, 15ක් උසයි.
වේපචිත්ති, පහාරාද, සහ රාහු අසුරයන් කියන්නේ ඇසුර ලෝකයේ පාලක අසුරයින්.රාහු අසුරයා ඉතාමත් මාන්නයක් සහිතයි
මෙහෙම හිතල යොදුන් 4800ක් උසරාහු අසුරයා තීරණය කරා මම කොහොම හරි භාග්‍යවතුන් වහන්සේ දකිනවා කියලා.
උන්වහන්සේ අසුරයා එන බව දැනගෙන එන වෙලාවට සැතපෙන ඉරියව්වෙන් ඉන්නවා.
යොදුන් 4800ක් උස සිරුරක් හිමි රාහු අසුරයා එන්නේ බුදුරජාණන් වහන්සේගේ රූප ශ්‍රිය දැකගන්න
උන් වහන්සේ සිරි පතුල් ළඟ ඉඳගෙන ඉස්සි ඉස්සි රාහු අසුරයා බුදුරජාණන් වහන්සේගේ මුව මඩල බලන්න උත්සාහ කරා
"අසුරය සරා සංඛ්‍ය කල්ප ලක්ෂයක් ඍජුව දන් දුන්නේ කාටවත් තථාගත සිරුර හොරෙන් බලන්න නෙමෙයි කියල" තථාගතයන් වහන්සේ රාහු අසුරයට වදාළ සේක..
උන්වහන්සේගේ බලයට ගුණයට ශක්තියට මේ ලෝකයේ කිසිම කෙනෙකුට ළඟා වෙන්නේ නැහැ.
වරක් මාරයා තථාගතයන් වහන්සේට මෙසේ ප්‍රකාශ කරා " ස්වාමීනි මේ හිමාලය රත්තරන් බවට පත් කරලා මේ රාජ්‍යය පාලනය කරන්න"
බුදුගුණ අනන්තයි. එය කිසිකෙනෙකුට කල්පයක් ගත වුනත් කියල නිම කරන්න බැහැ.