E'tirof

E'tirof

2016-yil, bundan 8 yil avval ilm-fan rivojiga hissa qo'shaylik deb, bir o'quv markaz ochmoqchi bo'lganmiz. Lekin o'sha paytdagi byurokratik to'siqlar va ta'limga bo'lgan sovuqqonlik tufayli bir yil yugurib ham faoliyatimiz uchun litsenziya ololmaganmiz.

Oradan yillar o'tdi. Prezidentimiz tomoningizdan ta'limga katta e'tibor berilib, sohada ishlayotganlar qadr topdi. Shundan ruhlanib, yana ish boshladik. Hozirda nafaqat Respublikamiz bo'yicha balki, Qo'shni davlatlardan Qozog'iston, rivojlangan davlatlardan AQSHda ham markazimizni ochib, vatandoshlarimizga ta'lim berdik.
Jami 600 ga yaqin yangi ish o'rinlari yaratdik.
20.000 ga yaqin yoshlarimizni milliy ruhda, madaniyatga, kitobxonlikka va vatanni sevishga o'rgatdik.

10 yil oldin orzum 2030-yilgacha 1 dona xususiy maktab ochish edi.
Hozir 2024-yil, Respublika bo'ylab 6 ta xususiy maktablarimiz bor.
Bu yil ikki barobar kengayish arafasidamiz.

Va bugun Yoshlar kuni munosabati bilan davlat mukofotini shaxsan Prezidentimizdan qabul qilib, men o'z oldimga maqsad qo'ydim:
Dunyoning qaysi joyida o'zbek diasporasi bo'lsa, o'sha joyda nasib qilsa o'zbek maktablarini ochib, ona tilimiz, milliy qadriyatlarimizni butun dunyoga yoyishda xizmat qilaman.

@Muhammadali_Eshonqulov