BOTA NË FOKUS | Ky ishte Salahudin Ejubi!

-Salahuddin El-Ejjubi është, pa dyshim, një nga figurat më të shquara, më popullore dhe më të spikatura në historinë e Islamit.

-Emri i tij (i vërtetë) është Jusuf dhe lindi në vitin 1138 në Tikrit (qytet në Irak në veri të Bagdadit).

-Ai ishte me origjinë kurde dhe babai i tij Nejmuddīn Ejjūb ishte komandanti ushtarak i qytetit Baalbek në Liban.

-Ai u rrit me vëllezërit e tij në oborrin e Nūruddīn Maḥmūd Zengit.

-Në vitin 1171, Salahuddini rrëzoi kalifin fatimid El-Adid dhe u shpall zyrtarisht sundimtar i Egjiptit dhe sulltan i dinastisë Ejubide që do të ishte në skenën historike deri në vitin 1250.

-Në muajin korrik 1187, udhëhoqi Betejën e Hitinit në territorin e Palestinës, kur Salahuddini mundi ushtrinë e kryqëzatave, një nga betejat më të rëndësishme dhe fatale, për të cilën disa pretendojnë se është një nga ato që ndryshuan botën dhe rrjedhën e historisë.

-Në Tetor 1187, Salahuddini çliroi Jeruzalemin nga kryqtarët dhe gradualisht i mori thuajse të gjitha fortesat dhe shtetet e kryqëzatave në atë zonë.

-Mbi varrin e Salahuddin Ejjubit është shkruar: "O Allah, si fitore e tij e fundit, hapi dyert e Xhenetit për të!"