Скачать или смотреть Wayang Golek Buhun (1960-an) Ardjuna Sasrabahu - Elan Surawisastra

TEMA VIDEO
Dalam rangka pelestarian budaya lokal (folklore) Jawa Barat yang memiliki kearifan lokal (local wisdom) yang adiluhung, di antaranya dengan cara pengarsipan digital kesenian-kesenian lawas tradisional rakyat Jawa Barat dari sumber aslinya (primer). Pengarsipan budaya tersebut dipublikasikan melalui media sosial seperti YouTube agar dikenal kembali oleh para generasi penerus.

Kesenian-kesenian tersebut di antaranya seni pertunjukan wayang golek (puppet show). Tentunya konten wayang golek ini sudah dimodifikasi sedemikian rupa melalui proses editing dan bersifat unik serta ditambahkan deskripsi atau sinopsis agar memiliki nilai hiburan dan edukasi yang signifikan bagi para penggemar wayang golek.

DESKRIPSI VIDEO
Wayang golék ieu mangrupakeun rékaman kasét studio nu dikonvérsi ka format MP3. Teu aya sumber literasi nu nyarioskeun ngeunaan biografi dalang kasepuhan Ki Dalang Elan Surawisastra. Nu kenging téh foto lawasna taun 1968 ti situs Universitas Leiden Walanda Mung nu jelas Pa Elan ieu dalang taun 1950-an. Saéntragan sareng dalang Engkin Sukatmamuda, Rd. Barnas Somantri, Rd. Tjakra Hudaja, Rd. Parta Suwanda sareng dalang nu sanésna nu teu kapublikasikeun.

Para dalang kasepuhan dina ngadalangna masih nganggé jalur pakem asli nyaéta masih ngutamakeun jejer lalakon. Jarang aya selingan bobodoran. Tangtosna kanggé para penggemar wayang golék éntragan kaom milénial pasti ngaraos asing ku pagelaran wayang golék dalang kasepuhan boh dina gamelanana, sindén atanapi cara dalang medar lalakon. Bénten tebih pami ngadangukeun pagelaran wayang golék éntragan misalna Pa Asep Sunandar Sunarya suargi, Pa Dede Amung Sutarya suargi, Pa Ade Kosasih Sunarya suargi. Komo deui dibandingkeun sareng dalang-dalang anom ayeuna.

Sapertos nu tos dijelaskeun dina deskripsi ieu channel, yén misi ieu channel teh diantawisna ngalestarikeun seni budaya Sunda lawas ngalangkungan digitalisasi di media sosial sapertos Youtube supados generasi penerus janten uninga kana warisan seni budaya Sunda nu adiluhung diantawisna kasenian wayang golék. Teu hilap mangga “like” sareng subscribe kanggo nu teu acan ngasubscibe ieu channel.

====================-

Sinopsis Arjuna Sasrabahu

Di Karajaan Mahéspati, Prabu Arjuna Sasrabahu ngangkir para senopati kaasup Patih Suwanda atawa Bambang Somantri. Raja ngangkir para senopati téh boga maksud hayang macangkrama ngabagjageun permaisuri Déwi Citrawati ku cara ngabendung walungan Gangga. Sukan-sukan paparahuan di walungan Gangga. Ogé pikeun ngahibur rahayat Mahéspati ngarala lauk di walungan nu saat. Cara ngabendung walunganana nyaéta Prabu Arjuna Sasrabahu ngaluarkan élmuna tiwikrama ngajadikeun awakna sagede gunung. Maklum apanan Arjuna Sasrabahu téh katitisan Batara Wisnu.

Aya sebab tangtu aya akibat. Kusabab walungan Gangga dibendung, ngaakibatkeun cai walungan ka girangna jadi kabendung kaasup wewengkon Karajaan Aléngka kabanjiran. Hal ieu ngajadikeun Prabu Dasamuka atawa Rahwana murka. Saterusna ngumumkeun perang ka Karajaan Mahéspati.

Dina peperangan ieu, Bambang Somantri atawa Patih Suwanda nemahan pati. Sabenerna waktu Somantri ditunggel jangga ku Rahwana, teu hartina Somantri nemahan pati. Somantri boga élmu linuwih, sanajan awakna papisah jeung sirahna, tapi tetep masih hirup. Malah Rahwana tepi ka soak diudag-udag ku Somantri. Rahwana nyumput dina sédong walungan.

Ngan di lebah dieu, sukmana Sokrasana, adina Somantri ngawaskeun di alam kalanggengan. Sokrasana nganggap yén lanceukna geus nemahan pati. Manéhna nempo sirah lanceukna ngangkleung di walungan. Sokrasana ngawujud jadi buhaya bodas, terus nyapluk sirah Somantri. Manéhna hayang babarengan jeung lanceukna di alam kalanggengan. Rahwana sorangan taluk nyanghareupan kadigjayaan Arjuna Sasrabahu nu bisa tiwikrama jadi buta sagedé gunung.