Скачать или смотреть Семинар—2023.«Білім сапасын көтерудегі ББЖМ-ның үлесі». «Сапаға жол» коуч-сабақ.

Шымкент қаласының Әдістемелік Орталығы №69 ЖОББМ базасында " Білім сапасын көтерудегі ББЖМ-ның үлесі" тақырыбында қалалық тәжірибелік семинарда Ботабаева Гүлназ Жаңбырбайқызы қонақтармен "Сапаға жол" тақырыбында коуч-сабақ өтті. Коуч-сабақ жоспары ББЖМ - ға оқушыларды дайындаудың тиімді әдіс-тәсілдерін көрсетуге бағытталған. Коуч-сабақтың мақсаты - ұстаздармен өз тәжірибесінде оқушылардың білім алуға деген ынтасын арттырудағы әдіс-тәсілдерімен бөлісу, белсенділігін арттыруда қолданылылып жүрген қарапайым әрі нәтижелі, тиімді әдістер бойынша теориялық және практикалық жұмыстармен бөлісу. Оқушылардың білім сапасын арттыруға көмектесетін тест/викторина, креативті презентация дайындаудың дайын шаблондарымен, сайттарымен таныстыру және жасап көру, әдіс алмасу.
Келген қонақтармен танысу және жағымды ахуал қалыптастыру үшін органайзерге салынған сыйлықты беру арқылы өз есімдерінен басталатын тілектерін жолдады. Ой қозғау үшін «Уақыт» сөзі жасырылып, алтын уақыттарын бөліп келгендері үшін ризашылығын білдірді. Сынып жетекші ретінде білім сапасын көтеру, оқушылардың оқуға деген қызығушылықтарын арттыру үшін қолданып жүрген, нәтиже берген әдістерімен, құралдарымен бөлісті. Жолға қойылған «Оқуға құштар мектеп», «Өзін-өзі басқару және дебат қозғалысы» жобалары оң нәтиже беріп жүргенін айта отырып, көптеген жұмыстарды оңтайландыруға QR-код жасаудың маңызын түсіндірді. Алдарында «Сапаға жол» чатына қосылуға арналған QR-код, екінші бетінде есімдерін жазуға арналған «Абыройлы ұстаз», «Білікті ұстаз», «Цифрлы ұстаз», «Еңбекқор ұстаз», «Жаңашыл ұстаз», «Ізденімпаз ұстаз», «Мерейлі ұстаз», «Ұлағатты ұстаз», т.б жазылған қағаз қойылған. Kahoot,Wordwall платформалары арқылы ІТ сауаттылыққа қатысты сұрақтар мен ББЖМ және мектебіміз туралы ақпараттармен танысты. Сергіту сәтінде ұлттық құндылықтарға негізделген тапсырма орындады. Сабақ барысында әртүрлі қызықты тәсілдермен кері байланыс беріліп отырды. Креативті презентация дайындаудың дайын шаблондарымен, сайттарымен таныстырылды, көптеген сабаққа қажетті сайт сілтемелерімен таныстырылып, «Сапаға жол» чатына салынды.Сабақ соңында қонақтар чатқа жіберілген сілтемемен дауыс беру арқылы кері байланыс берілді. Қонақтар көрнекіліктерді көріп, әдіс алмасып, қажетті жаңа мағлұматтар алғандығын айтып, ризашылығын білдірді.