Скачать или смотреть Shije Shtëpie - Fokaçe me ullinj dhe rigon nga Znj. Vjollca - Tv Klan

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

600 gr miell

450 ml ujë të vakët

1 lç sheqer

7 gr maja të thatë

2 lgj vaj ulliri

1 lç kripë

300 gr ullinj

Rigon

Në një tas vendosim miellin të situr dhe hapim një gropë në mes. Shtojmë në të majanë dhe sheqerin. Në qendër ku vendosim majanë, shtojmë ujin 450-500 ml. Shohim se si do të lidhet brumi të cilën e përziejmë me anë të një luge druri deri sa mielli të ketë përthithur plotësisht ujin. Shtojmë kripën dhe vazhdojmë përzierjen me lugë për arsye se brumi është shumë i butë dhe ngjitës. Në fund shtojmë 2 lugë gjelle vaj dhe përsëri e përziejmë brumin me lugë në tas. Mbulojmë tasin me celofan dhe e lëmë të pushojë fillimisht për 20-30 minuta.

Pasi kalon kjo kohë shohim që brumi ka filluar të fermentohet. E punojmë përsëri me një lugë duke parë që brumi mezi shkëputet nga luga. E punojmë pak duke mbledhur anët dhe e mbulojmë përsëri me celefon dhe e lëmë të pushojë dhe për një orë. Pas një ore shohim që brumi ka dyfishuar volumin. Lyejmë duart me vaj ulliri dhe shkëpusim brumin nga anët e tasit duke e mbledhur në qendër. Lyejmë një tepsi me vaj ulliri e më pas vendosim brumin në të duke e hapur me duar dhe duke shtuar ullinjtë të prerë në unaza të trasha.

E palosim brumin dhe përsëri e hapim me kujdes me majat e gishtave. E lyejmë përsëri me vaj në sipërfaqe dhe e lëmë të pushojë minimalisht dhe 30 minuta që të realizojmë fokaçen që dëshirojmë. Përsëri e hapim me majat e gishtave. Mund të shpërndajmë përsëri ullinj në sipërfaqe si të dëshironi. E spërkatim me pak rigon dhe kripë të trashë dhe e pjekim në temperaturë 240 gradë për 20-25 minuta.

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu