Скачать или смотреть نشيد مجالسي للشاعر عبود الهلالي

يالله ياوالي على كل والي
إغفر ذنوبي كلها اول وتالي
وإن ماغفرت الذنب ياعزتالي
عزو بحالي كلكم يامعزين

بليلاً ظلام به المحاسب لقالي
**
الى نزلت القبر وحدي لحالي
جاني المحاسب مايدور بدالي
من فين جاء مالي وفين راح مالي
قال اعطني تقرير بالمال ذلحين

وفارقت مالي واصدقاي وعيالي
**
الروح راحت وش تلي وش بقالي
ايام معدوده وعدة ليالي
واشيب عينك يا عبود الهلالي
محزون وامثالي سواتي محازين

ويارب غفرانك على مامضى لي
**
لكن نعمل والبقيه على الله
استغفرالله في خطيه وزله
يالله طلبتك تغفر الذنب كله
يالله توفانا وحنا مطيعين

ويارب عفوك يوم سين وسؤالي
**
ووصيك يبن آدم تزكى وصلّه
نظف جميع المال دقه وجله
والا جميع المال بيعه وخله
ومال ماتخرج زكاته فهو شين

ترا آخر حياتك لاهيا للزوالي
**
الكفو راعي الدين صحبته غلّه
جوداً ودين ومعرفه في محله
وراعي النميمه والردي فدوةً له

وراعي النميمه واحد من الملاعين
فتن بين خلق الله بقيلاً وقالي
**
راعي الرشد عاش المطاليق ظله
والي غشيماً في طريقه يدله
والنار بين اهل الردى مشمعله
عند الردي مساوي الشين والزين

عسى ان الردي يفدى كريم السبالي
**
واللاش يعقد حاجبه من رفيقه
الى هرج بين العرب مايطيقه
اللاش يالله تجعله في حريقه
وإن الردى لهل الرخامه عناوين

يبون الرخامه عن سلوم الرجالي
**
الي فتن بين الاهل والقرابه
مابينهم خلى تقوم الحرابه
ابليس بينه والمنافق تشابه
ترى المنافق من كبار الشياطين

يقول الحرام محللاً لك حلالي
**
راعي البخاله لو تكبر رصيده
ابليس دونه حارساً مايفيده
من غضبك يالله طلبتك تزيده
رصيدي أهل الطيب مبغي الملايين

رصيدي رجالاً طيبين القبالي
**
يهل الوفا و الدين واهل الامانه
ياكثر قول الزور واهل الخيانه
الطايح الخنطول هذا زمانه
اليوم يتطاول على ناس غالين

حثاله ويهرج في قفا كل غالي
**
يهل المروه عيب واكبر مطمه
الي يبيع اخوه والا ابن عمه
ياكيف يسخى بيع لحمه ودمه
في ذمتي هذي عقول المجانين

وفي الطيب والمعروف ماله مجالي
**
احمد يدوم وطوّل الله عمره
بن حامد ابن عبود ياكبر قدره
عميد بيته كلنا تحت امره

مقام ابو حامد على الراس والعين
كريم اجودي ماغيرته اليالي
**
من جا لبو ياسر شكى وقت قاسي
خلاه بعد الله من الهم ناسي
عبيد عابد عزوتي تاج راسي
يديه غيثاً بالعطا للمساكين

ويديه كم تعطي العطايا الجزالي
**
من جاء لبو بندر جلى كل همه
مساعد ابن هلال قوله يتمه
الوافي الله يرحم ابوه وامه
بالعدل والحكمه تقر الموازين

زعيم القبيله بن هلال الهلالي
**
هذا جوابي والعذر في ختامه
يهل المروه والشرف والشهامه
صلاة ربي عد وبل الغمامه
على نبياً عمم الشرع و الدين

شفيع أمته بأمر الله أول وتالي