ახალ ზოოპარკში პირველი ვოლიერი გაიხსნა

ახალი ზოოპარკის ტერიტორიაზე პირველი ვოლიერი გაიხსნა.

ვოლიერის პირველი ბინადრები კავკასიაში გავრცელებული ცხოველები - დათვები და მგლები არიან.

გახსნის ოფიციალურ ცერემონიას თბილისის მერი დავით ნარმანია და საკრებულოს თავმჯდომარე გიორგი ალიბეგაშვილი დაესწრნენ და ლენტი გაჭრეს.

ვოლიერის ფართობი ერთი ჰექტარია. ახალ ტერიტორიაზე უკვე გადაყვანილია ოთხი მგელი და სამი დათვი. შემდეგ ეტაპზე, ახალ ზოოპარკში ირმები და ნიამორები გადავლენ.

„მნიშვნელოვანია, რომ ახალი ზოოპარკის პირველი ბინადრები დათვები და მგლები იქნებიან. ახალ ვოლიერში დაახლოებით 10 მათგანს შევიფარებთ. გარდა ამისა, ვგეგმავთ დაობლებული ბელების ბუნებაში დაბრუნების პროგრამის განხორციელებას", - განაცხადა ზოოპარკის დირექტორმა, ზურაბ გურიელიძემ.