مشاركة الشاعر عبدالله الغفيري في حفل زواج المهندس صالح بن عطيه الغفيري

قصيدة الشاعر عبدالله الغفيري في حفل زواج المهندس صالح بن عطيه بن جري الغفيري
الشاعر عبدالله مفرح الغفيري المالكي
الغفره
غفرين
الغفيري
بني مالك
بجيله
رماح المنايا
المالكي

ذكر الله الجبّار محيي النبت من بطن القفار
اللي رضاه ورحمته كل البشر تسعا لها

نبدا بذكره خالق الكوكب وواهب له مدار
من قبل ما نغرف من بحور القصيد جزالها

من بعد جينا للوعد من عقب طول الإنتظار
جبت البيوت اللي محد قبلي يجيب أمثالها

منقيةٍ نسقتها من خيرت ازيان البكار
اللي نهار العرض فازت بعد حذف اجلالها

ثم سقتها واهديتها لأهل المواقيف الكبار
للعزوة اللي ساسها طيب عريبٍ خالها

دعوى المنيع اهل البلاجيك الطويلة والقصار
المجد والتاريخ ما يجحد فعول أبطالها

يا مرحبا في مرحبا في حلة الاسما الكبار
على الشحم والبن الأشقر فاح وسط دلالها

في المحفل اللي جو له العربان من كل الديار
كنهم وفود الحج في تعدادها وإقبالها

حشمة عطيه كلنا جينا ولا سقنا العذار
ميقافنا واجب وحنا اللي نشيل اثقالها

مبروك يا صالح وحفلك جو له طوال العمار
ياللي علوم الطيب حايز دقها واجلالها

ناسبت بيت الحرش بيت المعرفة وأهل الوقار
أهل الحسب وأهل النسب من ماضيات ليالها

الساس واحد كلنا دعوى الغفيري بإختصار
اللابه اللي هزت الدنيا بقو أفعالها

حنا الرجال أهل الوفا حنا الحرار ابنا الحرار
المرجلة والطايلة ما تعشق إلا رجالها

غفرين يا جاهل بهم تُعرف ليا ثار الغبار
بالسطوة اللي تقدر تهد القمم بجبالها

إليا دعى داعي الحمية روسهم تقدح شنار
حربة بني مالك على الحدان شف منزالها

حنا بني مالك على الخصّام والعايل دمار
ولضيفنا أكرم من مراديم انتثر همالها

هذا كلام الحق من يجحده ودوه لشهار
وش لي بناسٍ ربي اهواها بـ شر أعمالها

والختم صلو عالنبي اعداد ما يبدي النهار
شفيعنا يوم القيامة عن لهيب أهوالها