Скачать или смотреть Confidence - Gopalakrishna Adiga Poem (Hosa Haadi)

ಹೊಸ ಹಾದಿ

ಹೊಸ ಹಾದಿಯನು ಹಿಡಿದು ನಡೆಯಣ್ಣ ಮುಂದೆ
ಹೊಸ ಜೀವ ಹೊಸ ಭಾವ ಹೊಸ ವೇಗದಿಂದೆ

ಜನಕೊಂದು ಯುಗಕೊಂಡು ಹೊಸ ಹೆಸರು ಬೇಕು
ನಗೆಗೊಂದು ಬಗೆಗೊಂದು ಹೊಸ ಕುಸುರು ಬೇಕು
ಹೊಸತನವೆ ಜೀವನದ ಪುಗತಿಯ ರಹಸ್ಯ
ಹೊಸತನವೆ ಮನುಜತೆಯ ಮೈಸಿರಿಯ ಲಾಸ್ಯ

ಹಿಂದಿನೊಳ್ಳಿತೋ ಕೆಡುಕೊ - ಅದು ಭೂತ ವೃತ್ತ
ಇಂದಿಗೆದು ಮುಂದಿನದು ಬರಿಯ ಸೃತಿ ಮಾತ್ರ
ಹಳೆಹಾದಿ ನಡೆಗಳಿವ ವರೆಗೆಮಗೆ ಸಾಕು
ಬಲಿವುದಕೆ ನಲಿವುದಕೆ ಹೊಸ ಹಾದಿ ಬೇಕು

ದೂರದೊಳಗದೊ ಮುಗಿಲು ನೆಲವ ಮುಟ್ಟುವೊಲು
ತೋರುತಿದೆ. ನಿಜವೆ? ಬಳಿಸಾರಿ ಪರಿಕಿಸಲು
ತೊರೆದೇ ಹೆಸನಾಗಿ ಹೊಸವೇಶ ದೇಶ?
ವೀರನಿಗೆ ಭೀರನಿಗೆ ಸಾಹಸನಿವೇಶ

ದಿನ ದಿನವು ತಿರುತಿರುಗಿ ಮನವಾರೆ ನಲಿದು
ದಿನದಿನಕೆ ಹೊಸ ತಿಳಿವು ಹೊಸ ರೂಹುವಡೆದು
ಕುಣಿಕುಣಿವ ಮುಗಿಲೋಳಿ ಕರೆಯುತಿದೆ ನಿನ್ನೆ
ಹೆಣವಾಗಿ ಮನೆಯೊಳಗೆ ಮಲಗುವೆಯ ಚೆನ್ನ

"ನಂದನದ ತನಿಗಂಪನುಂಡಿದೋ ಬಂದೆ
ಒಂದೆರಡೆ? ಅಲ್ಲಿನಾ ಸೊಬಗೆನ್ನ ತಂದೆ"
ಎಂದು ಕಿವಿಯೂದುತ್ತಿದೆ ಸುಳಿವ ತಂಗಾಳಿ
ಮುಂದಡಿಯನಿಡು ಗೆಳೆಯ ಧೈರ್ಯವನು ತಾಳಿ

ಅದೊ ನೋಡು! ಹಕ್ಕಿ ಮರಮರಗಳಲಿ ನಿಂತು
ಮೃದು ಮಧುರ ಕಂಠದಲಿ ಕುಕಿಲುತಿಹುದಿಂತು
" ಇದುವರೆಗೆ ದಾರಿಯು ದೂರಿಂದಬಂದೆ
ಎದೆಗಾರ, ಬಲುಹಿದೆಯೆ? ಬಾ ಬೆನ್ನ ಹಿಂದೆ "

ಎಲೆ ಪೌರುಷಧ್ವಜನೆ ! ಹಿಂದೆಗೆಯಬೇಡ
ಚಲಬಲದ ಸವ್ಯಸಾಚಿತ್ವವಿರೆ ಮೂಡ
ಗೆಲವರಿದೆ ನುಗ್ಗಿ ನಡೆ ಹಿಗ್ಗಿ ನಡೆ ಮುಂದೆ
ತಿಳಿವುಕಡಲಿನ ಗಡಿಗೆ ನಡೆವ ಹುರುಪಿಂದೆ

ಅಂಜದಿರು ಗೆಳೆಯ ಹೊಸ ಹಾದಿಯನ್ನು ಹಿಡಿಯೇ
ಮಂಜುತರ ಸೃಷ್ಟಿ ಗಾನದಲ್ಲಿ ಮೈಮರೆಯೇ
ಎಂಜಲಾಗದ ಮಧುರ ಮಧುರ ಸವ ಸವಿಯೇ
ರಂಜಿಸುವ ಕಾಡು ಮೇಡುಗಳನಂಡಲೆಯೇ

Gopalakrishna Adiga in this poem propels our confidence levels by inspiring us to drop the past and enter the new flux of NOW.

#SpiritualKannada #Adiga #KanandaPoem