لاتعتذر مال الهجر منك تبرير شعر وغناء

قصيدة للشاعر زايد المري - لاتعتذر شعر وغناء
لاتعتذر مال الهجر منك تبرير صـــدك بليا ذنب والله ظليمـــه
ماصارلي بعدك يفوق اي تصوير تجددت كل الجروح القديمــــه
بعدك لعبي هاجسي والتفاكير وقلبٍ جريح وروح صبٍ مهيمــــه
ماغير اسلي خاطري بالمشاوير اروح وارجع والهواجس مقيمـــه
ياحبي اللي بين بيض الغنادير لك في عروش القلب قدرٍ وقيمـه
ان كان صدك ماخذك عني لغير روّح ولو ان الخساير وخيمــــه
وان كانها عني خذتك المقادير فالعفو عند المقدره فيه شيمه
يامرحبا والحب كله معاذير تشفع لك ايام الغرام القديمه
يوم الهوى لازارني منك أعصير أضم في صدري من اجلك نسيمـــه
واليوم اصبر خاطر الوجد تصبير واقول صدك عقب وصلك جريمــــه
ولاجاك مني ياهوى البال تقصير مواقفي وياك والله عظيمــــــــه
صخرت لك مشاعر الشوق تصخير وامطرتك بحب تقفاه ديمـــــه
وظللتك بجفني وصارت مسافير يوم الغلا بين النديم ونديمــه
واليوم ماتنفع كثير المحاذير تفاغمت بين النفوس الحشيمــه
عسى سنينك روض عشب ونواوير محد لنفسه يرتضي بالهزيمـــه
اما تخاويني على الشر والخير والا السلامه منك راس الغيمـــه