Скачать или смотреть Uncut full story| Dalagang ubud ng yaman binigyan ng manok ng isang binata bilang birthday gift nito

Title:The Bodyguard and the Spoiled brat
Written by:Aviona
Narrated by:Mary Rose
Edited by:Miss loren

#audiobook
#tagaloglovestory
#thebodyguard
#spoiledbrat

"PLOT"

GUSTO kong malaman bakit mo ni-reject lahat ng proposal namin?!” Mariin na tanong ni Nicholas.

Nag-angat ng tingin si Danica. Tinignan niya si Nicholas sa kanyang harapan. Galit na galit ang mga mata nito habang nakatingin sa kanya. Huminga ng malalim si Danica.

“ ako, Nicholas. Sa tingin mo ba, mapagkakatiwalaan ko kayo?” Tanong ni Danica. “Hindi niyo ako pwedeng lokohin, Nicholas. If you’re going to be my brother... sumama ka sa akin.”

“At saan naman tayo pupunta?” Tanong ni Nicholas. “Wala akong oras ngayon, Danica. I want my assets now! Lahat ng akin ay dapat kong makuha! Lahat ng para sa akin. Bakit ba ayaw mong ibigay? Natatakot ka ba? Natatakot ka bang masira ang pangalan niyo?”

“Hindi.” Seryosong sagot ni Danica. “Natatakot akong baka masira ang pangalan mo sa lahat kapag lumabas ang totoo.” Ngumiti si Danica at kinuha ang kanyang coat. “Let’s have a DNA test, now.”

“W-What? Hindi pa ba sapat ang pinakita ko sa inyo? Isa akong Peralta! Anak ako ng daddy mo at kapatid mo ako, Danica! Ano pa bang gusto mo?” Tanong ni Nicholas.

“Gusto kong makita ang DNA result ngayon kaya kung may oras ka... pumunta ka sa hospital. Hihintayin kita doon.” Seryosong sabi ni Danica.

Umalis agad si Danica at mabilis na sumakay sa elevator. Huminga ng malalim si Danica. Ngayon, mag-isa lang s’ya dahil may importanteng inaasikaso si Evan, sa tingin ni Danica ito ang tamang gawin para matahimik na sila. Ito rin ang oras para malaman kung nagsasabi sila ng totoo sa hindi.

“Hello, Evan? Papunta na ako sa hospital.” Sabi ni Danica sa cellphone.

“Susunduin na kita.” Sabi ni Evan.

Napangiti si Danica. “Okay.”

Hinintay ni Danica si Evan at nang makarating si Evan ay agad hinalikan ni Danica ang pisngi nito. Sumakay silang dalawa sa kotse at mabilis na pumunta sa hospital. Nang makarating ay agad silang bumaba.

“Mauna ka na. May kailangan lang akong tawagan.” Sabi ni Evan.

“Sure?” Tanong ni Danica.

Ngumiti si Evan. “Kailangan kong makasigurado na walang mangyayari ngayong araw.”

Tumango si Danica. Mabilis s’yang pumasok sa hospital at nandoon ang buong pamilya nila. Ilang minuto silang naghintay nang makarating ang mga Dawson kasama ang buong pamilya kaya natawa si Danica.

“Masaya akong nakapunta kayo.” Nakangiting sabi ni Danica.

“Hindi kami natutuwa na kailangan naming mag-DNA test ulit. Lumabas na ang totoo, Danica. Ano pa ba ang gusto mong mangyari?” Tanong ni Maricar. “Hindi mo ba matanggap na may kapatid ka? Ang gahaman mo naman—”

“Maricar, stop! ’Wag mong pagsasalitaan ng ganyan ang anak mo sa harap ko. Kung wala ka talagang tinatago, ngayon pa lang, gawin natin ang DNA test.” Seryosong sabi ni Damian.

Ngumiti si Maricar. “Sure. Sigurado akong anak mo si Nicholas.”

Dumating ang doctor. Hiningi ang bawat hibla ng buhok ng isa’t isa. Ngunit napatingin si Danica kay Evan na nagmamadaling maglakad papunta sa kanilang lahat. Kumunot ang noo ni Evan at tumango kay Damian.

“Mr. Peralta wants a DNA test by blood.” Sabi ni Evan.

“Huh?” Naging balisa ang mga kilos ni Maricar. “Nandito na ang kailangan namin? Babaguhin pa?” Tanong ni Maricar.

“Doc, blood test po ang gawin natin sa dalawang parties. Nang makasiguro po tayo na nagsasabi sila ng totoo.” Nakangiting sabi ni Evan. “At kapag napatunayan ko na hindi kayo nagsasabi ng totoo ngayon pa lang... may dapat malaman ang mga Peralta.”

Napatingin si Danica kay Evan. Wala man lang maisip si Danica kung ano ba ang plano ni Evan. Ang gusto lang ni Danica ay matapos ang gulo. Kaya naman mabilis na kinuhaan ng dugo si Nicholas at Damian para sa DNA test.

“Anong nangyayari?” Tanong ni Danica.

“Nahanap ko na kung sino ang nagtangka sa ’yo sa mall.” Sabi ni Evan. Natigilan si Danica at napatingin kay Evan na kalmadong nakatingin sa kanya. “Magugulat ka sa malalaman mo.”

Ilang oras ang hinintay nilang lahat. Ilang oras na nagdadasal si Danica na sana maging maayos ang lahat. At sa ilang oras na ’yon, lumabas ang doctor habang hawak ang result.

“Negative. Hindi tunay na anak ni Mr. Peralta si Nicholas Dawson. Hindi nag-match ang dugo nilang dalawa ni Mr. Peralta.” Sabi ni ng doctor.