Скачать или смотреть 獨家．女神配對計劃丨葉蒨文重溫曾展望示愛仍陶醉 李芷晴親解不揀周嘉全原因

獨家．女神配對計劃丨葉蒨文重溫曾展望示愛仍陶醉 李芷晴親解不揀周嘉全原因

戀愛真人騷《女神配對計劃》首播，5位女神 葉蒨文 李芷晴 關嘉敏 羅毓儀 同 梁敏巧 相約節目組一齊睇首播。喺節目中佢哋會挑選3位心動對象，首集經已有星二代 姜卓文 同藝人 曾展望 周嘉全 登台施展深情對白示愛。

GM嘅對白更成為最強武器，令Sophie完全冇猶豫將佢收歸旗下，而且仲被誠意打動到眼濕濕。Sophie話當日拍攝時被GM嚇親，因為一向知對方唔將感情事拎出嚟講，所以知道對方鼓起好大勇氣去做。Yuki初時都有懷疑係咪節目組安排，但再留意兩人面紅紅就覺得似真。問到Sophie對GM係咪有改觀？佢話叫大家期待一下。

myTV SUPER重溫《女神配對計劃》 https://www.mytvsuper.com/tc/programm...

細John喺自我介紹環節，特別以Rap吸引女神，結果令Carman流口水，令細John成功過關。Carman話海選時已經諗，若果細John入圍就一定揀佢。佢仲笑言最初擔心大家會爭住搶細John，因為算係高質候選者。細John話事前做足準備，直言芷晴係首選，Sophie性格同自己相近。

周嘉全一直都單戀芷晴，佢嘅深情表白更令全場感動，可惜最後都被芷晴狠心拒絕，令好多觀眾都戥佢唔抵，覺得嘉全對芷晴咁好，絕對值得擁有呢個機會。芷晴解釋唔按燈，係擔心俾咗錯誤訊息話接受，好似要答應一啲事。佢又希望可以揀一啲完全唔認識嘅人入圍，若果冇下文都可以失去佢，但唔想失去一個朋友，加上能夠早啲做決定，係對對方最好。

Maggie講明鍾意肌肉型男，所以見到呢類男士就會心心眼同手多多。佢話因為呢類男士好有男人味，同畀到安全感佢，佢又笑言好期待見到自己發姣嘅樣。

#女神配對計劃 #葉蒨文 #李芷晴 #關嘉敏 #羅毓儀 #梁敏巧 #姜卓文 #曾展望 #周嘉全 #深情表白 #收歸旗下 #心心眼 #錯誤訊息 #失去朋友 #肌肉型男 #發姣 #獨家
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0