عبدالمجيد عبدالله - اذهلتني

اذهلتني يوم صوبي مقبله . . . شفت موتي بين غدران وظلال
لو بلف الكون كله باكمله . . . البسيطة متن وسهول وجبال
ما رأت عيني جمال يخجله . . . من جماله يخلج الكون الجمال

التدلل من دلاله دللــــــه . . . فيه مدلول الجمال بلا دلال
جل من صور جماله وكمله . . . كامل حسنه ولله الكمال
حدر داجٍ فوق متنه ينشله . . . ناثر القصة على قوس الهلال

واللواحظ كالسيوف مسلله . . . كن يلعب بالهدب موج الشلال
قلت له دمي لكم من حلله . . . والتزم بالصمت ما رد السؤال
وش حياتي والرماح مظلله . . . لا حول عندي ولا عنها محال

الضمير بنار كبره تشعله . . . باندفاع الحب وردود الخيال
من غلاه الروح طوع مدللـه . . . في الخوافي لا يحول ولا يحال
له طروق الشعر فكري مده له . . . منهله وارويه من غزر زلال

انسج المعنى بحروف مرتله . . . من طرايف شرد بوحي الخيال
واشكي الام الجروح المدمله . . . نالها قلبي وهو صعب المنال
اذهلتني يوم صوبي مقبله . . . شفت موتي بين غدران وظلال


كلمات: محمد بن راشد ال مكتوم
الحان: صالح الشهري
مقام: بياتي