Скачать или смотреть "ဗီယက်နန်ရဲ့ ရပ်ကွက်စျေးက မြန်မာပြည်လိုပဲလား?"

"ဗီယက်နန်ရဲ့ ရပ်ကွက်စျေးက မြန်မာပြည်လိုပဲလား?"
- - - - - - - 🇻🇳 🛒 - - - - - - - -

🛒 ဒါမျိုးနေရာတွေက ခရီးသွားတွေ သွားလေ့မရှိတဲ့နေရာမျိုးပါ။ အင်္ကျီလှလှ၊ဂါဝန်လှလှတွေမရောင်းဘူး။ ဓါတ်ပုံလှလှရိုက်ပြီး ဖေ့ဘွတ်ပေါ်တင်စရာနေရာတွေ ရှိမနေဘူး။ ဒါ့အပြင် ရပ်ကွက်စျေးပုံစံဆိုတော့ ရေစိုနေတဲ့နေရာတွေရှိသလို အနံအသက်ကတော့ မွှေးနေမှာမဟုတ်တာ သေချာပါတယ်။
ဒါပေမယ့် ဒီနေရာမှာ ဒေသခံတွေရဲ့
စစ်မှန်တဲ့ လူနေမှု့ဘဝတွေရှိပါတယ်။ လူတော်တော်များများ ကျော်သွားတတ်ကြတဲ့ ဇာတ်ကွက်တစ်ခုရဲ့ ပကတိအနေအထားပေါ့။
ကျနော်တို့ တိုင်းပြည်နဲ့ရော ဘာတွေကွာနေမလဲ?
သွားကြည့်ကြရအောင်ပါ။

🛒 မိုးတဖွဲဖွဲကျနေတဲ့ မနက်ခင်းတစ်ခုဆိုတော့ အပြင်သွားရင်လည်း စိုစွတ်နေတာမို့ ဒီနေ့မနက်ခင်းမှာတော့ ကျနော်တို့ BurmaRoo တွေဟာ ဗီယက်နန်နိုင်ငံ(Vietnam)၊ ဟွေးမြို့(Hue) မှာအကြီးဆုံးဖြစ်တဲ့ ဒေသခံစျေးကြီးဖြစ်တဲ့ ဒေါင်ဘ(Dong Ba Marke) ကို သွားဖို့ ခြေဦးလှည့်လိုက်ကြပါတယ်။
ကောင်းတာတစ်ခုက စျေးသည်တွေဟာ စပ်စုဖို့လာတဲ့ ကျနော်တို့ကို နွေးနွေးထွေးထွေးကြိုဆိုတတ်ကြတာပါပဲ။ ဂျင်းထည့်ဖို့ချောင်းတဲ့သူတွေလည်း ရှိတာပေါ့လေ 😁။

🛒 စျေးထဲက လေထုရဲ့အရသာကတော့ မြန်မာပြည်က ရပ်ကွက်စျေးတွေလိုပါပဲ။ အသီးအရွက်နံ့၊ သစ်သီးနံ့၊ ဖိနပ်အသစ်ရဲ့ ရာဘာနံ့၊ ငါးပိတန်းကဖြတ်တဲ့အခါ သွားရည်ကျရတဲ့ အနံ့ စုံနေတာပါပဲ။
စျေးထဲခြေချလိုက်တာနဲ့ ငါတို့ဟာ တကယ့် ဟွေးမြို့ရဲ့ ဘဝထဲကို ဝင်ရောက်ခဲ့ပြီဆိုတဲ့ ခံစားချက်ကို တကယ်ပေးစွမ်းနိုင်ပါတယ်။

🛒 စာလည်းရှည်ပြီမို့ အစဉ်အလာမပျက် အလွဲတွေလုပ်ရင်း၊ အာလူးဖုတ်ရင်း၊ ထင်ရာမြင်ရာတွေ လေပေါရင်း ကျနော်တို့နဲ့ အတူ ဟွေးမြို့ရဲ့ ရပ်ကွက်စျေးကြီးထဲကို အတူတူလိုက်လည်ကြပါဦးခင်ဗျာ။

#Vietnam #HueLocalMarket #LocalLife
#AuthenticVietnam #CulturalVibes
#VietnamMarkets #StayLikeLocal #Hue