អ្នកជំនួញក្នុងវិស័យទេសចរណ៍កម្ពុជា មានមោទនភាពចំពោះរាជរដ្ឋាភិបាលដឹកនាំដោយសម្តេចបវរធិបតី ហ៊ុន ម៉ាណែត...

អ្នកជំនួញក្នុងវិស័យទេសចរណ៍កម្ពុជា មានមោទនភាពចំពោះរាជរដ្ឋាភិបាលដឹកនាំដោយសម្តេចបវរធិបតី ហ៊ុន ម៉ាណែត ដែលមានភាពសកម្ម និងយកចិត្ដទុកដាក់ខ្ពស់ លើវិស័យទេសចរណ៍ (Video inside)

(ភ្នំពេញ)៖ ឧកញ៉ា ស្រ៊ៀត មុំសុភា អនុប្រធានសមាគមទេសចរណ៍កម្ពុជា បានបង្ហាញនូវមោទនភាពចំពោះរាជរដ្ឋាភិបាលថ្មី ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នៅក្នុងអាណត្ដិទី៧នេះ ដែលមានភាពសកម្ម និងយកចិត្ដទុកដាក់ខ្លាំង លើវិស័យទេសចរណ៍។

ការលើកឡើងបែបនេះ ធ្វើឡើងក្នុងឱកាសដែល ឧកញ៉ា ស្រ៊ៀត មុំសុភា អញ្ជើញចូលរួម ក្នុងកិច្ចពិភាក្សាលើប្រធានបទ៖ «អនាគត​វិស័យ​ទេសចរណ៍របស់ប្រទេស​កម្ពុជា» ក្នុងកម្មវិធី FRESH BUSINESS។

ឧកញ៉ា ស្រ៊ៀត មុំសុភា បានបញ្ជាក់ថា «ក្នុងនាមវិស័យឯកជន យើងមានមោទនភាព ចំពោះរាជរដ្ឋាភិបាលថ្មី ដែលមានភាពសកម្ម និងយកចិត្ដទុកដាក់ខ្លាំង [...] ជាយុទ្ធសាស្ដ្រចុងក្រោយនេះ ឃើញថា កាលមុនមានតែវេទិកា វិស័យឯកជន ជាមួយរដ្ឋាភិ​បាល ប៉ុន្ដែក្នុងពេលបច្ចុប្បន្ននេះ វិស័យឯកជន ជាមួយរដ្ឋាភិបាល មានភាពសិទ្ធិស្នាល»។

បន្ថែមពីនោះទៀត ឧកញ៉ា ស្រ៊ៀត មុំសុភា បានលើកឡើងថា ភាពប្រឈមកន្លងមក នៅក្នុងវិស័យទេសចរណ៍ ក៏ត្រូវបានដោះស្រាយជាបណ្ដើរៗ ហើយភាពប្រឈមដែលនៅមាន ជាបន្ដបន្ទាប់នោះ ក៏បានលើកទៅរាជរដ្ឋាភិ​បាលផងដែរ៕

ខាងក្រោមនេះ ជាវីដេអូនៃការលើកឡើង របស់ឧកញ៉ា ស្រ៊ៀត មុំសុភា៖