Скачать или смотреть قصيدة ترحيبية للشاعر عبدالله بن بندر في رجل الأعمال عياد بن ناصر الدلبحي

مبداي ذكر الله المعبود مجرِ السحاب
اللي خلق كل شيٍ واوجده من عدم

يافكر ما بينك و بين القوافي عتاب
لا قلت يالقاف نقدم قال شفني قدم

ما سجل اسمي على كشوف المنابر غياب
حضوري المحتدم فالموقف المحتدم

يا مرحبا في ولد ناصر ودمث الجناب
يا عل يفدى ندم وجهه وجيه الندم

مكاسب النعم كاسبها بسن الشباب
واقف على مجابه الصعبات ساق وقدم

قصره ما يحتاج للضيفان قوقل وماب
عاين وضول المواتر عند قصره ردم

له مجلس الظاهر انه مبني بدون باب
راع اللزوم ان نصاه فـ لازمه ما ندم

ومن كثر ما رحب معزبه والحظ طاب
يرحبون بمجي الضيف حتى الخدم

عياد واسمٍ يضد به الامور الصعاب
ويصادم بعزمه كبار الدعاوي صدم

له حاضر يجدد الماضي ورايه صواب
ولا سقط بالتقادم لو جديده قدم

مواقفه ثابته ماكنها الا الهضاب
ويمناه للهم تصريح انتشال وهدم

للمستحيله متونه تدحم ولا يهاب
يوم الردي من عزوم الطيبين انصدم

ليثٍ على حزة الفزعة مقامه جواب
وغيثٍ من الجود في عرض السما مرتدم

طيّب وفالطيّب اغني بيوتٍ عذاب
ومع طاري المدح يربطني علاقة ودم

الطيب لاصار عندك راس مال وزهاب
لو يعدم المال طيب الراس ما ينعدم

1442-11-12 هـ